30, డిసెంబర్ 2013, సోమవారం

Alzheimer's eye test HOW GOOD ARE YOU ?


Test your brain.
This is really cool.



COUNT EVERY ‘F’ IN THE FOLLOWING TEXT.

“FINISHED FILES ARE THE RE
SULT OF YEARS OF SCIENTI
FIC STUDY COMBINED WITH
THE EXPERIENCE OF YEARS..... “

How many ‘F’s are there in the text?
Count them.
Count them again.
Three ? Four? 
Answer:
There are 6 ‘F’s in the text.
No Joke. Read it again.
The reasoning for this is further down.
The brain cannot process ‘OF’

F INISHED F ILES ARE THE RE
SULT O
F YEARS OF SCIENTI
F
 IC STUDY COMBINED WITH
THE EXPERIENCE O
F YEARS.....

Incredible or what?


Anyone who counts all 6 'F's on the first go is a genius.

Three is normal
four is quite rare.

(Thanks to the Email sender and image owner)

29, డిసెంబర్ 2013, ఆదివారం

222222



అక్షరాలా ఆరు రెండ్లు. అంటే రెండు లక్షల ఇరవై రెండువేల రెండు వందల ఇరవై రెండు. అంటే గింటే నా బ్లాగు – “భండారు శ్రీనివాసరావు – వార్తావ్యాఖ్య” (http://bhandarusrinivasarao.blogspot.in/) వీక్షకుల సంఖ్య ఈ అంకెని దాటిపోయింది. నా ఈ అక్షర యజ్ఞంలో సహకరించిన అందరికీ కృతజ్ఞతలు.
 – భండారు శ్రీనివాసరావు (29-12-2013)   


28, డిసెంబర్ 2013, శనివారం

రెడీమేడ్ మొగుళ్ళు


తల్లిపాలు తప్ప అన్నీ అమ్మకానికి పెట్టే కార్పొరేట్ యుగం నడుస్తోంది. మంచి లాభసాటి వ్యాపారం పెట్టాలని అనుకున్న ఓ కార్పొరేట్ సంస్థ,   ఏకంగా రెడీమేడ్  మొగుళ్లను అమ్మే ఓ పెద్ద దుకాణాన్ని న్యూ యార్క్ లో తెరిచింది. తలకు వంద డాలర్లు ప్రవేశ రుసుము పెట్టింది. తమ అభిరుచులకు తగిన చక్కని  భర్తకోసం వెతికే కన్నెపడుచులు ఎంచెక్కా ఈ షాపులోకి వెళ్ళి నచ్చిన వారిని నచ్చినట్టు కొనుక్కుని ఇంటికి తీసుకువెళ్ళి తమ ఇంటివాడిని చేసుకునే  సౌలభ్యం ఇందులో వుండడం వల్ల పెళ్ళికాని పడతులందరూ పెళ్ళికాని ప్రసాదులకోసం ఈ దుకాణంపై ఎగబడ్డారు. అయితే ఈ షాపులో షాపింగ్ చేయాలంటే కొన్ని నియమాలు, నిబంధనలు వున్నాయి.


అవేమిటంటే-
ఆరంతస్తుల ఈ భవనంలోకి ఎవరినయినాసరే ఒకేసారి అనుమతిస్తారు.
ప్రతి అంతస్తులో పెళ్లిళ్ళు కావాల్సిన యువకులు స్వయంవరంలో మాదిరిగా సిద్ధంగా వుంటారు. మొదటి అంతస్తులోనే తగిన యువకుడు తటస్థపడితే ఇక మరో అంతస్తుకు వెళ్ళడానికి వీలుండదు.
ఈ కండిషన్లు అన్నీ క్షుణ్ణంగా చదివిన తరువాత ఒక యువతి  రెడీమేడ్ మొగుడ్ని కొనుక్కోవడం కోసం వంద డాలర్లు చెల్లించి ఆ షాపులోకి  వెళ్ళింది.
మొదటి అంతస్తు మొదట్లోనే ఒక బోర్డు రాసివుంది.
ఈ అంతస్తులో మీకు నచ్చిన మొగుళ్ళు ఖచ్చితంగా దొరుకుతారు.  వీళ్ళందరూ చాలా బుద్దిమంతులు. చక్కటి ఉద్యోగాలు చేసుకుంటున్నారు. పైపెచ్చు  దేవుడిమీద విశ్వాసం వున్నవాళ్ళు.
ఆ యువతి తలపంకించి రెండో అంతస్తుకు  చేరుకుంది.
ఈ అంతస్తులో అమ్మకానికి వున్న మగపిల్లలు  మరింత మంచివాళ్ళు. వీళ్ళకు ఉద్యోగాలు, దైవభక్తే  కాదు, పిల్లలంటే  తగని ప్రేమ కూడా
అది చదివిన ఆ అమ్మడు మరో అంతస్తుకు వెళ్ళింది.
ఇక్కడ అమ్మకానికి వున్నవారికి అన్ని యోగ్యతలు వున్నాయి. మంచి ఉద్యోగం, దేవుడంటే భయం భక్తీ, పిల్లల్ని ప్రేమించే తత్వం, అన్నిటికీ మించి కళ్ళు చెదిరే అందం. మంచి బేరం మించిన దొరకదుఅని అక్కడ రాసివుంది.
అయినా ఆ అమ్మాయికి తృప్తి లేకపోయింది. నాలుగో అంతస్తుకు వెళ్ళింది.
కింది మూడు అంతస్తులలో వున్న వారి లక్షణాలకు  అదనంగా ఇక్కడి వారికి మరో మంచి గుణం వుంది. అదేమిటంటే కిమ్మనకుండా  ఇంటి పనులుమొత్తం వొంటిచేత్తో సవరిస్తారు.
ఒక్కక్షణం ఆమె ఆలోచించింది. ఇంతకంటే వెతకడం వృధాఏమో అని లిప్తపాటు ఆలోచించింది. అయినా పై అంతస్తులో ఇంతకంటే మంచి మొగుడు దొరక్కపోతాడా అన్న ఆలోచన ఆమెను అక్కడ నిలవనియ్యలేదు. దానితో  మరో అంతస్తుకు వెళ్ళింది.  
మీరు చాలా అదృష్టవంతులు. ఇక్కడ వున్న మగవాళ్ళు పుటం వేసి గాలించినా మీకు ఎక్కడా దొరకరు. కొరుక్కుతినాలనిపించే అందం, కూర్చుని తిన్నా తరతరాలకు తరగని ఆస్తి, పిల్లలపట్ల ప్రేమ, పెద్దలంటే గౌరవం, ఇంటి పనులు, వంట పనులు సమస్తం స్వయంగా చూసుకోగల శక్తి సామర్ధ్యాలు, ఓహ్! ఒక్కసారి లోపలకు వచ్చి చూస్తే మీకే తెలుస్తుంది
ఆ యువతి కాసేపు ఆలోచించింది. మిగిలింది ఇంక ఒకే అంతస్తు. పోయి చూస్తే పోలా!
ఆరో అంతస్తుకు చేరుకుంది. అక్కడ కింద కనబడ్డ బోర్డులు లాటివి ఏవీ లేవు. తలుపు తోసుకుని లోపలకు వెళ్ళింది. అంతా ఖాళీ. ఎవ్వరూ లేరు. కొంపతీసి నిఖార్సయిన మంచి మొగుళ్ళందర్నీ జనం ముందే  ఎగరేసుకుపోలేదు కదా!అని అనుకుంటూ తిరిగొస్తుంటే తలుపు వెనక ఎలక్ట్రానిక్ డిస్ ప్లే మీద ఇలా కనబడింది.
ఇప్పటిదాకా  లక్షాపాతికవేల నూటనలభయ్ రెండు మంది  ఈ చివరి అంతస్తుకు వచ్చారు. మీరు లక్షాపాతికవేల నూటనలభయ్ మూడోవారు. ఈ హాలులో అమ్మకానికి మగవాళ్ళు ఎవ్వరూ లేరు. ఆడవాళ్ళని మెప్పించడం అతికష్టం అన్న నిజానికి రుజువుగా మాత్రమే ఈ అంతస్తుని ఏర్పాటు చేశాం.
మా  షాపుకి వచ్చినందుకు ధన్యవాదాలు. దిగివెళ్ళేటప్పుడు జాగ్రత్త. మీకు అంతా మంచే జరగాలని మా యాజమాన్యం కోరుకుంటోంది’  
(గమనిక: నెట్లో  తిరుగాడుతున్న ఆంగ్ల కధనాన్ని శ్రీ గొర్తి శ్రీనివాస్ పంపారు. దానికి స్వేచ్చానువాదం ఇది)

NOTE: Courtesy Image Owner 

26, డిసెంబర్ 2013, గురువారం

Charlie Chaplin – Great Dictator


Charlie Chaplin needs no introduction. He is the greatest comedian of all time and he has given us some of the most amazing movies throughout his acting career. He has always been a house hold name. But very few people know that he was a very evolved man and went through lot of hardship in the beginning of his life. After the death of his father he was thrown to earn his own bread and butter to take care of his ill mother and little brother.
This video speech is taken from his very famous movie from 1940 called "The Great Dictator". In this video Charlie Chaplin is giving a beautiful message of Love to all humanity. In this video he is telling us how we can bring peace, love & togetherness to the entire human race.


----------Video Script----------
"I am sorry but I don’t want to be an emperor. That’s not my business. I don’t want to rule or conquer anyone. I should like to help everyone if possible; Jew, Gentile, black men, white. We all want to help one another. Human beings are like that. We want to live by each other’s happiness, not by each other’s misery. We don’t want to hate and despise one another. In this world there is room for everyone. And the good earth is rich and can provide for everyone. The way of life can be free and beautiful, but we have lost the way.
"Greed has poisoned men’s souls; has barricaded the world with hate; has goose-stepped us into misery and bloodshed. We have developed speed, but we have shut ourselves in. Machinery that gives abundance has left us in want. Our knowledge as made us cynical; our cleverness, hard and unkind. We think too much and feel too little. More than machinery we need humanity. More than cleverness, we need kindness and gentleness. Without these qualities, life will be violent and all will be lost. The aeroplane and the radio have brought us closer together. The very nature of these inventions cries out for the goodness in man; cries out for universal brotherhood; for the unity of us all.
"Even now my voice is reaching millions throughout the world, millions of despairing men, women, and little children, victims of a system that makes men torture and imprison innocent people. To those who can hear me, I say “Do not despair.” The misery that is now upon us is but the passing of greed, the bitterness of men who fear the way of human progress. The hate of men will pass, and dictators die, and the power they took from the people will return to the people. And so long as men die, liberty will never perish.
"Soldiers! Don’t give yourselves to brutes, men who despise you and enslave you; who regiment your lives, tell you what to do, what to think and what to feel! Who drill you, diet you, treat you like cattle, use you as cannon fodder! Don’t give yourselves to these unnatural men—machine men with machine minds and machine hearts! You are not machines! You are not cattle! You are men! You have a love of humanity in your hearts! You don’t hate! Only the unloved hate; the unloved and the unnatural.
"Soldiers! Don’t fight for slavery! Fight for liberty! In the seventeenth chapter of St. Luke, it’s written “the kingdom of God is within man”, not one man nor a group of men, but in all men! In you! You, the people, have the power, the power to create machines, the power to create happiness! You, the people, have the power to make this life free and beautiful, to make this life a wonderful adventure. Then in the name of democracy, let us use that power.
"Let us all unite. Let us fight for a new world, a decent world that will give men a chance to work, that will give youth a future and old age a security. By the promise of these things, brutes have risen to power. But they lie! They do not fulfill their promise. They never will! Dictators free themselves but they enslave the people! Now let us fight to fulfill that promise! Let us fight to free the world! To do away with national barriers! To do away with greed, with hate and intolerance! Let us fight for a world of reason, a world where science and progress will lead to all men’s happiness.

Soldiers, in the name of democracy, let us all unite!"

ధన్యజీవి



కొద్ది రోజుల తేడాతో  ఇద్దరు అక్కయ్యలు కన్ను మూయడం మొత్తం మా కుటుంబాన్ని దిగ్భ్రాంతికి గురిచేసింది. రెండువారాలు కూడా కాలేదు ఆరో అక్కయ్య ప్రేమక్కయ్య (74) చనిపోయి. వార్త తెలియగానే  మా పెద్దక్కయ్య శ్రీమతి తుర్లపాటి సరస్వతి హుటాహుటిన కారులో తన వయస్సును కూడా (84) లెక్కపెట్టకుండా  ఆమెను చూడడానికి బెజవాడ నుంచి హైదరాబాదు వచ్చింది. తన కళ్ళముందే చిన్నవాళ్ళు దాటిపోతున్నారని గొల్లుమంది.



(శ్రీమతి తుర్లపాటి సరస్వతి)

 ఏమయిందో యేమో మూడో  రోజున ఆయాసంగా వుందంటే ఆస్పత్రిలో చేర్పించారు. అటునుంచి అటే ఐ.సీ.యూ, తరువాత వెంటిలేటర్ ఈ ఉదయం కల్లా అంతా అయిపోయింది. ప్రేమక్కయ్య పన్నెండో రోజుకు వచ్చిన బంధుగణం అంతా సరసక్కయ్య అంతిమ ఘడియలను చూడాల్సి వచ్చింది. ఎవరితో చేయించుకోకుండా పెద్ద ప్రాణం దాటిపోయింది. పెనిమిటి శ్రీ తుర్లపాటి హనుమంతరావు గారు చనిపోయిన నాటి నుంచి ఈ రెండేళ్లుగా సరసక్కయ్య ప్రాణం ఆయనకోసమే కొట్టుకుంది. దాదాపు డెబ్బయ్  ఏళ్ళ  దాంపత్య అనుబంధం. అందుకే ఆయనలేని లోకంలో ఎక్కువ కాలం మనలేకపోయింది. రోగం రొష్టు అంటూ పిల్లల్ని బాద పెట్టకుండా, తాను బాధ పడకుండా మా బావగారిని వెతుక్కుంటూ పైలోకాలకు వెళ్ళి పోయింది. ధన్యజీవి. నా వంటి ఎంతోమందికి అక్షరభిక్ష, అన్నభిక్ష పెట్టిన ఆదర్శ దంపతులు. వారికి నా నివాళులు. 

24, డిసెంబర్ 2013, మంగళవారం

పడగొట్టినా నిలబడతాం


యు ఎస్ ఎస్ న్యూయార్క్

పేరు చూడగానే ఇది అమెరికా నౌక అనితెలిసిపోతూనే వుంది. కాకపోతే,   ఇది ఆదేశం తాజాగా నిర్మించుకున్న ఓ  యుద్ధనౌక. ఉగ్రవాదుల పీచమణిచే లక్ష్యంతో అమెరికా రూపకల్పన చేసిన నౌకల శ్రేణిలో ఇది అయిదవది. ఈ భారీ యుద్ధ నౌకలో 360  మంది నావికులు, 700  మంది నౌకా సైనికులు అధునాతన యుద్ధ సామగ్రి, పరికరాలతో సదా సిద్ధంగా వుంటారు.
అన్ని యుద్ధ నౌకల్లో ఇదొకటి అనుకోవచ్చుకానీ దీనికొక ప్రత్యేకత వుంది. దీని నిర్మాణంలో సుమారు ఇరవై నాలుగువేల టన్నుల ఉక్కును   ఉపయోగించారు. అందులో మాత్రం విశిష్టత ఏముంది అనిపించవచ్చు. అలా వాడిన ఉక్కు ఒక్కటే  ఈ నౌకకు ఇంతటి  ప్రత్యేకతను సమకూర్చిపెట్టింది. పదమూడేళ్లక్రితం ఉగ్రవాదుల ముష్కర దాడిలో నేలమట్టం అయిన న్యూ యార్క్ వరల్డ్ ట్రేడ్ సెంటర్ జంట హర్మ్యాల నిర్మాణంలో వాడిన ఉక్కు, ఇనుములనే సేకరించి, కరిగించి  వాటితో  ఈ యుద్ధ నౌకను నిర్మించారు. నౌకను తయారుచేసిన కర్మాగారానికి ఆ ఉక్కు శకలాలను తీసుకుని వచ్చినప్పుడు అక్కడి పనివారు దానిని చూసి నాటి ఘోర దృశ్యాలను తలచుకుని విచలితులయ్యారని నేవీ కెప్టెన్ కెవిన్ వెన్సింగ్ చెప్పారు. కరిగించిన ఆ ఉక్కును చేతితో తాకినప్పుడు ఉద్వేగంతో తన వొంటిపై రోమాలు నిక్కబొడుచుకున్నాయని ఫౌండ్రీ ఆపరేషన్స్ మేనేజర్ జూనియర్ షావర్స్ గుర్తుచేసుకున్నారు.


‘ఈ నౌకను చూస్తున్నప్పుడు మా అందరికీ ఒక విషయం స్పురణకు వస్తుంది. అవును ‘వాళ్లు’ నేలమట్టం చేయగలిగారు. కానీ మమ్మల్ని ఆ నేల మీదనే ఎల్లకాలం వుంచలేరు. మళ్ళీ లేచి నిలబడతాం. ఈ నౌకే దానికి ప్రత్యక్ష సాక్ష్యం.’
సముద్ర జలాల్లో ఠీవిగా నిలబడిన ఆ నౌకను చూస్తూ అన్నారాయన.

(శ్రీ పీవీవీజీ స్వామి గారు పంపిన మెయిల్ ఆధారంగా -  ఫోటోగ్రాఫర్ కు కృతజ్ఞతలు)

పద్మ'ఛీ'లు

'పద్మశ్రీ వెనక్కి ఇవ్వండి' - వార్త
పంచ్ డైలాగులకు అలవాటుపడ్డ సినిమా వాళ్ళతో కాస్త జాగ్రత్త. 'పద్మశ్రీ ఇచ్చిన వారికే తిరిగి వాపసు ఇస్తాం , ఢిల్లీ రాష్ట్రపతి భవన్ లో ఫంక్షన్ పెట్టండి మీడియాను పిలవండి'అన్నా అనగలరు. - వ్యాఖ్య 

23, డిసెంబర్ 2013, సోమవారం

తానే మారునా!........



'చీపిరి యెంత గొప్పదయినా దాన్ని పట్టుకుని వూడ్చేది చెయ్యే కదా అనేది 'ఆ చెయ్యి' ధీమా!



(Courtesy Cartoonist)



బల్బు మాడింది


శంకరం ఆఫీసు నుంచి ఇంటికి వచ్చి బట్టలు మార్చుకుంటుంటే ఏడేళ్ళ బుడుగు తండ్రిని అడిగాడు.
నేను ఇక్కడికి ఎక్కడినుంచి యెలా  వచ్చాను?’
శంకరానికి ముందా ప్రశ్న అర్ధం కాలేదు. అర్ధం అయినతర్వాత దానికి జవాబు ఏం చెప్పాలో ఓ పట్టాన అర్ధం కాలేదు.
తల్లి గర్భంలోనుంచి పిల్లలు యెలా వస్తారో  చెప్పే ఈడు  కాదు పిల్లాడిది. అందుకే సమాధానం చెప్పకుండా దాటవేద్దామనుకున్నాడు. వాడి వయసా చిన్నది. కొన్నేళ్ళు పోతే వాళ్ళకే తెలుస్తుంది అనుకునే సంస్కృతి ఇంటావంటా వొంటబట్టించుకున్న కుటుంబమాయె.
కానీ కాసేపటి తరువాత శంకరం మనసు మార్చుకున్నాడు. ఇరవై ఒకటో శతాబ్దంలో కూడా ఇంకా బూజు పట్టిన పాత సంస్కృతినే పట్టుకుని వేలాడితే యెలా అని కూడా అనుకున్నాడు. అందుకే స్త్రీల  గర్భధారణ గురించీ, నవమాసాలు మోసి బిడ్డను కనే దాకా అతడు ఎక్కడినుంచి భూమిమీదకు యెలా వచ్చాడో అంతా అరటిపండు వొలిచి చెప్పినట్టు పిల్లాడికి చెప్పేసి అమ్మయ్యఅనుకున్నాడు. తను అందరిలాటి తండ్రిని కాదు కొంత స్పెషల్ అని కూడా అనుకున్నాడు.
మరి కాసేపటికి బుర్రలో బల్బ్ వెలిగింది.
వున్నట్టుండి బుడుగు ఎందుకా ప్రశ్న వేసాడు. అదే అడిగాడు.
ఏం లేదు నాన్నా! నిన్న మన పక్క వాటాలో దిగిన సుందరం అంకుల్ పిల్లాడిని మీరు ఎక్కడి నుంచి వచ్చారు అని అడిగితే అమలాపురం నుంచి అన్నాడు. దాంతో మనం ఎక్కడి నుంచి వచ్చామో తెలుసుకోవాలని నిన్నడిగాను. అంతే!
బుడుగు జవాబుతో  శంకరం బుర్ర గిర్రున తిరిగింది.



(నెట్లో కానవచ్చిన ఇంగ్లీష్ ఆర్టికిల్ ఆధారంగా) 

NOTE: Courtesy Image owner

ఈరోజు పీవీ తొమ్మిదో వర్ధంతి - ఓ జ్ఞాపకం

పీవీ మరణించడానికి కొన్ని నెలలముందు హైదరాబాదు వచ్చారు. మాజీ ప్రధాని హోదాలో రాజ్ భవన్ గెస్టు హౌస్ లో బస చేసారు. గతంలో ప్రధానిగా ఆయన అక్కడ దిగినప్పుడు కనబడే హడావిడి యెలా వుండేదో  ఒక విలేకరిగా నాకు తెలుసు.  ఆయన చుట్టూనే కాదు చుట్టుపక్కల ఎక్కడ చూసినా  అధికారులుఅనధికారులుమందీ మార్బలాలు, వందిమాగధులు,  ఆయన కళ్ళల్లో పడితే చాలనుకునే రాజకీయనాయకులు – ఆ వైభోగం వర్ణించ తరమాఅన్నట్టు వుండేది.



మాజీ ప్రధానిగా పీవీ రాజ భవన్ లో వున్నప్పుడు – నేనూ , ఆకాశవాణిలో నా సీనియర్ కొలీగ్   ఆర్వీవీ కృష్ణారావు గారు  - గవర్నర్ రికార్డింగ్ నిమిత్తం  వెళ్లి -  పని పూర్తిచేసుకున్నతరవాత - రాజ్ భవన్  గెస్ట్ హౌస్ మీదుగా తిరిగి  వెడుతూ అటువైపు తొంగి చూసాము. సెక్యూరిటీ మినహా రాజకీయుల హడావిడి కనిపించక పోవడంతో మేము లోపలకు వెళ్ళాము. అక్కడవున్న భద్రతాదికారిని  పీవీ గారిని చూడడం వీలుపడుతుందా’ అని అడిగాము. అతడు తాపీగా  'లోపలకు వెళ్ళండిఅన్నట్టు సైగ చేసాడు. ఆశ్చర్యపోతూ లోపలకు అడుగు పెట్టాము.


పెట్టిన తరవాత – మా ఆశ్చర్యం రెట్టింపు అయింది. పీవీ ఒక్కరే కూర్చుని టీవీలో ఫుట్ బాల్  మాచ్  చూస్తూ కనిపించారు. డిస్టర్బ్ చేశామేమో అన్న ఫీలింగుతోనే - మమ్మల్ని పరిచయం చేసుకున్నాము. లుంగీ మీద ఒక ముతక బనీను మాత్రమే వేసుకునివున్న పీవీగారు  నా వైపు చూస్తూ- 'మీ అన్నయ్య పర్వతాలరావు  ఎలావున్నాడయ్యా!అని అడిగేసరికి నాకు మతి పోయినంత పనయింది. ఎప్పుడో  దశాబ్దాల క్రితం,  పీవీగారు ముఖ్యమంత్రి గా వున్నప్పుడు - మా అన్నయ్య పర్వతాలరావు గారు సమాచారశాఖ అధికారిగా ఆయనకు పీఆర్వో గా కొద్దికాలం పనిచేశారు. అసలు ఆయన ముఖ్యమంత్రిగా ఉన్నదే అతి కొద్దికాలం. అప్పటి విషయాలను గుర్తుపెట్టుకోవాల్సిన  అవసరం ఆయనకు లేదు.  అయినా ఆప్యాయంగా గుర్తు పెట్టుకుని మరీ అడిగారు. అదీ  పీవీగారి గొప్పతనం.  ఆ తరవాత కూడా  ఆయన ఏదో మాట్లాడుతున్నారు  కానీ మాకు కలయో వైష్ణవ మాయయో’ అన్నట్టుగావుంది. మేము కలసి కూర్చుంది – కొన్నేళ్ళ క్రితం వరకు దేశాన్ని వొంటి చేత్తో పాలించిన వ్యక్తితో అన్న స్పృహ వుండడం వల్ల – కొంత ఇబ్బంది పడుతూ కూర్చున్నాము. కాసేపటి తరవాత – కొణిజేటి రోశయ్య గారు వచ్చారు. ఆయన్ని చూడగానే  పీవీ గారి మొహంలో ఒక రిలీఫ్ కనిపించింది. రోశయ్య గారు వచ్చిన తరువాత కాసేపు వుండి మేము వచ్చేశాము. ఇది జరిగి  ఏళ్ళు గడిచిపోయాయి కానీ ఈ చక్కని జ్ఞాపకం మాత్రం మా గుండెల్లో ఇంకా తాజాగానే వుంది.  


ఆనో భద్రాః క్రతవో యన్తు విశ్వతఃఅని రిగ్వేదం చెబుతోంది. అంటే అన్ని వైపులనుంచి ఉత్తమమైన భావాలు నాలో ప్రవేశించు గాక అని అర్ధం.

పరీక్ష జరిగే హాలు నిశ్శబ్దంగా వుంది. విద్యార్ధులందరూ జవాబులు రాసే క్రమంలో తలమునకలైవున్నారు.


(శ్రీ ఈశ్వరచంద్ర విద్యాసాగర్)

పరీక్షరాసే వారిలో ఈశ్వరచంద్ర విద్యాసాగర్ వున్నారు. తరగతి మొత్తంలో చాలా తెలివిగల విద్యార్ధి. అతడి వెనుకనే మనీష్ కూర్చుని ప్రశ్నాపత్రాన్ని దీక్షగా చూస్తున్నాడు. సహజంగా మందబుద్ధి అయిన మనీష్ కు ఆ పరీక్ష గట్టెక్కడం అన్నది ఒక పరీక్ష గా తయారయింది. అందుకే అతడు ఈ విషయంలో తన స్నేహితుడయిన విద్యాసాగర్ సాయం కోసం ఎదురుచూస్తూ బిత్తర చూపులు చూస్తున్నాడు. ఈలోగా ఈశ్వరచంద్ర విద్యాసాగ ర్ జవాబులురాసే పని పూర్తయింది. రాసిన సమాధానాలను మరోమారు పరిశీలించుకునే పనిలో పడిపోయాడు. ఈ అవకాశాన్ని ఉపయోగించుకుని మనీష్ మరో మారు ఈశ్వర్ దృష్టిని ఆకర్షించే ప్రయత్నం చేసాడు. తన స్నేహితుడు కోరుతున్నదేమిటో ఈశ్వర్ కు సులువుగానే అర్ధం అయింది. కానీ ఈ విషయంలో స్నేహితుడికి సాయం చేయడానికి అతడికి మనస్కరించ లేదు. కానీ, దీనంగా అభ్యర్ధిస్తున్న స్నేహితుడి చూపులకు అతడి మనసు మెత్తపడింది. దాంతో అప్పటి వరకు తాను రాసిన సమాధాన పత్రాన్ని మనీష్ కు రహస్యంగా అందించాడు. ఇది ఎవరూ చూడలేదనుకున్నాడు కానీ, ఈశ్వర్ కాపీ అందిస్తూ వుండడం పరీక్ష హాలులో పర్యవేక్షణ చేస్తున్న ఉపాధ్యాయుడి కంటబడింది. అయ్యవారు ఆగ్రహంతో వూగిపోతూ ఈశ్వర్ ని పట్టుకుని కఠినంగా శిక్షించాడు. నలుగురిలో జరిగిన ఈ అవమానంతో స్వతహాగా అభిమానధనుడయిన ఈశ్వర్ చంద్ర విద్యాసాగర్ ఎంతగానో కుంగిపోయాడు.

పరీక్ష పూర్తి కాగానే ఉపాధ్యాయుడు ఈశ్వర్ ని తన గదికి పిలిపించుకున్నాడు.

చూడు. ఈశ్వర్. నువ్వు చాలా తెలివైన విద్యార్ధివి. బాగా చదువుకుని పైకి రావాల్సినవాడివి. నీలాటి తెలివయిన కుర్రవాడిని అలా శిక్షించినందుకు నాకెంతో బాధగా వుందిఅంటూ ఓదార్చే ప్రయత్నం చేసాడు.

స్నేహితుడికి సాయం చేయాలన్న సదుద్దేశ్యం తప్ప దగా చేయాలన్న అభిప్రాయం తనకు యే కోశానా లేదని విద్యాసాగర్ సంజాయిషీ ఇచ్చుకున్నాడు.

డానికి ఉపాధ్యాయుడు ఇలా జవాబు చెప్పారు.

తప్పుచేసినవాడు పాపితో సమానం. కానీ తప్పుచేసేవాడికి సాయం చేసేవాడు కూడా వాడితో సమానమే. అందుకే, నిన్నుశిక్షించాల్సి వచ్చింది. నిజమే. నువ్వు మనీష్ కి సాయం చేయాలని అనుకున్నావు. కానీ అలా చేయడం ద్వారా అతడిలోని బద్ధకానికి కూడా సాయం చేస్తున్న సంగతి మరచిపోయావు. అల్లా ఎవరో ఒకరు నీలా సాయం చేస్తూ పోతుంటే, ముందు ముందు తోటివారి సాయం తీసుకోకుండా అతడిక యేపనీ చేయలేడు

ఈశ్వర్ చంద్ర విద్యాసాగర్ వంటి మహా మేధావి స్వయంగా వెల్లడించిన ఈ ఉదంతం   ద్వారా తెలుసుకోవాల్సిన నీతి ఒకటుంది.

మనం చేసే ప్రతి పని వల్ల వచ్చే ఫలితం మంచి చెడుల సమ్మిశ్రమం. ఇతరుల జీవితాలను మంచి వైపు నడిపించే దిశగా మనం చేసే పనుల ఫలితం వుండేలాగా చూసుకోవాలి. అటువంటి చక్కటి భావనలు అన్ని వైపులనుంచి మన మనస్సులో ప్రవేశించేలా ఎప్పటికప్పుడు ప్రయత్నం చేస్తూవుండాలి. 


22, డిసెంబర్ 2013, ఆదివారం

కోతి వీసా



అనగనగా ఒక వూరు. ఆ వూర్లో ఓ జంతు ప్రదర్సన శాల.

అసలే ఇది చిట్టిపొట్టి కధ. ఈ కధలో పదేపదే వచ్చే ఈ పదాన్ని అలా సాగదీసి రాయడం బాగోదు కాబట్టి ఇంగ్లీష్ వాళ్ల భాషలో పొట్టిగా జూఅనుకుందాము.

ఆ జూ లోని ఓ బోనులో జూలు బాగా పెంచుకున్న ఓ సింహం వుంది. రోజుకు కనీసం ఓ కిలో మాంసం కూడా తన మొహాన విదల్చడం లేదని ఆ జూ అధికారులపై దానికి తగని కోపం. జూలు విదిల్చి, కాలు దువ్వాలని వుంది కానీ  ఏం లాభం.  తానున్నది అడవి కాదాయే. పైగా ఆ జూ అధికారులు అడవి జంతువులకన్నా క్రూరులు.  వాళ్లకు తిక్క తిరిగిందంటే దొంగలెక్కలు రాసి ఆ మాత్రం మాంసం కూడా పెట్టకుండా తన డొక్క మాడ్చగల సమర్ధులన్న సంగతి ఆ మృగ రాజుకు తెలుసు. అందుకే అనువుగాని చోట అధికులమనరాదుఅన్న నీతి వాక్యం ప్రకారం మిన్నకుండి పోయింది.

కొన్ని రోజులకు ఏం జరిగిందో తెలవదు. దాని గోడు విన్న తధాస్తు దేవతలు కరుణించారేమో తెలియదు. ఏదయితేనేమి, దుబాయిలో వున్న ఓ జూ అధికారి   రోజు ఈ జూ చూడడానికి వచ్చి, తగిన ఆహారం లేక చిక్కిపోయిన ఈ సింహాన్ని చూశాడు. ‘చక్కనమ్మ చిక్కినా అందం’ అనుకున్నాడేమో దాన్ని తన దుబాయ్ జూ కు తీసికెళ్ళాడు.

ఎమిరేట్స్ విమానం ఎక్కిన దగ్గరనుంచి సింహానికి ఆకాశంలో తేలిపోతున్న అనుభూతి కలిగింది. ఆ దేశంలో జూలన్నీ సెంట్రల్ ఏసీ అని ఎవరో చెప్పగా విన్న సంగతి గుర్తు వచ్చి దాని వొళ్ళు పులకరించి పోయింది. ఎంచక్కా చల్లటి బోనులో కూర్చుని దుబాయ్ జూ అధికారులు రోజూ ఆహారంగా పెట్టే ఒకటి రెండు మేకలను కడుపారా తింటూ కడుపులో మాంసం  కదలకుండా కాలక్షేపం చేసే సన్నివేశాలను వూహించుకుంటూ ఆ సింహం దుబాయ్ జూ చేరుకుంది.

అది కలలు కన్నట్టే దానిని ఒక ప్రత్యేక బోనులో వుంచారు. నీటుగా దుస్తులు ధరించిన జూ పనివాడు ఒకడు పొద్దున్నే వచ్చి చాలా నీటుగా ప్యాక్ చేసిన ఆహారం పొట్లాన్ని అందించాడు. ఇక తన కష్టాలన్నీ తీరిపోయాయి అని అనుకుంటూ సింహం ఆత్రంగా ఆ పాకెట్ విప్పింది. అందులో మూడు నాలుగు అరటి పండ్లు వున్నాయి. అసలే పరాయి దేశం - భాష అర్ధం కాక పొరపడ్డారేమోనని మొదటి రోజు సర్దిచెప్పుకుంది. కానీ రెండో రోజూ, ఆ మరునాడు కూడా పనివాడు అరటి పండ్లే పెట్టడంతో సింహానికి తిక్కరేగింది.



పండ్లు పట్టుకుని వచ్చినవాడిని నిలబెట్టి దులిపేసింది.

ఏం ఇక్కడ మీ అందరికీ నన్ను చూస్తే తమాషాగా వుందా. నేనెవరనుకుంటున్నారు. మొత్తం అడవికే రాజుని. అరటి పండ్లు తినడానికి నేనేమన్నా కోతి ననుకుంటున్నారా?’ అని గాండ్రించింది.

అయితే, సింహం గాండ్రింపులకు బెదిరిపోవడానికి ఆ జూ పనివాడు అడవిలో ఏనుగు కాదు కదా. అందుకే అతగాడు తాపీగా జవాబు చెప్పాడు.

నువ్వు సింహానివన్న విషయం ఇక్కడ పుట్టిన పిల్లులకు కూడా తెలుసు. కాకపోతే నిన్నిక్కడికి కోతివీసా మీద తీసుకొచ్చిన సంగతే నీకు తెలిసినట్టు లేదు

నీతి:

పరాయి దేశంలో కోతిగా వుండడంకన్నా మాతృదేశంలో సింహంగా బతకడం మేలు.

Note: Courtesy Image Owner 

శ్రీ తిరుమల రామచంద్ర గారి శత జయంతి


నా వయస్సు అరవై ఎనిమిది. అంటే నేను పుట్టకమునుపే ఆయన విఖ్యాత పత్రికల్లో జర్నలిష్టు. ఒకటి రెండు భాషల్లో అరకొర అభినివేశం నాదయితే అనేక భాషల్లో మంచి పట్టు సాధించిన ప్రజ్ఞాశీలి వారు. ఎక్కడో ఏదో జెర్రి పోతంత అదృష్ట రేఖ కనీ కనబడకుండా వుందేమో. లేకపోతే నేనేమిటి ? అంతటి పండిత ప్రకాండుడి శత జయంతి సందర్భంగా ఈరోజున జరిగే ఓ సమావేశానికి అధ్యక్షత వహించడం ఏమిటి? పెట్టిపుట్టకపోతే ఇలాటిది సాధ్యమా!


తిరుమల రామచంద్ర గారి గురించి చెప్పడం ఆయనకే సాధ్యం అని నా నమ్మకం. తనని గురించి తాను చెప్పుకున్నా అందులో సొంత గొప్పలు కనబడవు. పైగా మానవ సహజమైన బలహీనతలను కూడా ఆయన ఎంతమాత్రం భేషజాలకు పోకుండా నిర్భీతిగా రాసుకున్నారు. ఆయన విలక్షణ వ్యక్తిత్వానికి ఇదే గీటురాయి.
పుట్టిన వందేళ్ళ తరువాత ఆయన్ని గుర్తుంచుకుని వేడుక చేస్తున్న సందర్భం ఇది. ఈ పుణ్యం కట్టుకున్నవాళ్ళు బహుధా అభినందనీయులు. ఎందుకంటే – అక్కిరాజు రమాపతిరావు గారు పేర్కొన్నట్టు రామచంద్ర గారు జీవించి వుండగా వారికి ‘షష్టిపూర్తి జరగలేదు. సప్తతి లేదు. అశీతి అసలే లేదు. సహస్ర చంద్ర దర్శన ఉత్సవం సమకూడలేదు. పూర్ణ జీవితం అనుభవించి కూడా రామచంద్రగారు త్రిదశుడు’ అన్నారు అక్కిరాజువారు. అంటే ఏమిటట. ఎప్పుడూ ముప్పయ్యేళ్ళవాడిగానే జీవించారట. బాల్య, కౌమార, యవ్వన, నిర్మల, నిర్భర, నిరంతర, సమధికోత్సాహ మనస్విత తోనే ఆయన ఎనభై నాలుగేండ్ల జీవితాన్ని యదృచ్చాలాభ సంతుష్టంగానే గడిపారని అద్భుతమయిన కితాబు ఇచ్చారు.
కొందరు కొన్నిట్లో తమ ప్రతిభ కనబరుస్తారు. కానీ రామచంద్రగారో. ఆయన వేలు పెట్టని రంగం లేదు. పత్రికా రచయిత, కవి, గ్రంధకర్త, విమర్శకుడు, బహుభాషా కోవిదుడు. అంతేనా అంటే అంతే  కాదు. పదం బాగాలేదేమో కాని ఆయన దేశదిమ్మరి. ఆయనలా వూళ్ళుపట్టుకుని తిరిగిన జర్నలిష్టు మరొకరు కనబడరు. జీవిక కోసం ఆయన ఎత్తని అవతారం లేదు. అనంతపురం జిల్లాలో ఓ మారుమూల కుగ్రామం రాఘవం పల్లి(రాగంపల్లి) లో పుట్టి, నాటి బళ్ళారి జిల్లా ఆనెగొందిలో ప్రాధమిక విద్య, తిరుపతి దేవస్థానం కళాశాలలో చదువు, నెల్లూరు ఆయుర్వేద కళాశాల, చెన్నపట్నం మైలాపూర్ కాలేజీ ఇలా ఇలా సాగి లాహోరు, బెలూచిస్తాన్, క్వెట్టా, చమన్ ప్రాంతాలు తిరిగి, కాన్పూర్ లో డెయిలీ టెలిగ్రాఫ్ పత్రికలో చేరడం వరకు సాగిపోయింది. అంతటితో ఆగితే ఆయన రామచంద్రగారు యెట్లా అవుతారు. హైదరాబాదులో మీజాన్ ఉర్దూ పత్రిక, తరువాత ఆంధ్రప్రభ, ఆంధ్రభూమి, ఆంధ్ర పత్రిక దినపత్రికల్లో చాలాకాలం తన రచనలతో వాటికి ఒక విశిష్టతను తెచ్చిపెట్టారు.
‘హంపీ నుంచి హరప్పా దాకా’ అనే రచనలో తిరుమల రామచంద్ర గారు తన జీవితానుభవాలను రసరమ్యంగా కూర్చారు. ఈ శుభ సందర్భంలో వారికి నా కైమోడ్పు. (22-12-2013)

21, డిసెంబర్ 2013, శనివారం

పాత సన్నిహితులతో కాసేపు....

రాష్ట్ర శాసనమండలి సమావేశాలు వాయిదా పడిన సందర్భంలో మండలి చైర్మన్ శ్రీ చక్రపాణి గారు నిన్న మధ్యాహ్నం మండలి ఆవరణలో పత్రికా విలేకరులకు విందు ఏర్పాటు చేశారు. నేను యాక్టివ్ రిపోర్టింగ్ లో లేకపోయినా పాత సాన్నిహిత్యాన్ని పురస్కరించుకుని వారు స్వయంగా ఆహ్వానించడం వల్ల నేను వెళ్లడం అనేకమంది పాత మిత్రులను కలుసుకోవడం జరిగింది. అవే ఈ చిత్రాలు. వీటిల్లో నా పాత్రికేయ మిత్రుడు విద్యారణ్య, అనేక సంవత్సరాలుగా సన్నిహిత పరిచయం వున్న మండలి విప్ శ్రీ పద్మరాజు వున్నారు.





PHOTO COURTESY SHRI SALEEM