14, జూన్ 2021, సోమవారం

పెద్ద పాము నోట్లో… పడుతుంది అనుకుంటే – భండారు శ్రీనివాసరావు

 

“భండారు శ్రీనివాసరావు వార్తావ్యాఖ్య” అనే నా తెలుగు బ్లాగుకి వీక్షకులు పది లక్షలు దాటారు. ఇది కాదు విషయం.
వీక్షకుల సంఖ్య కోసం వున్నవి ఆరే ఆరు గళ్ళు. నిన్న అది 999999 కి చేరింది. ఆ తర్వాత మరో ఒకటి చేరితే ఏడో గడి దర్శనం ఇచ్చి 1000000 (పదిలక్షలు) అనే అంకె కనబడుతుందా లేదా అనేది ఇప్పటివరకు ఎదురైన లక్ష డాలర్ల ప్రశ్న. దానికి ఈరోజు సమాధానం దొరికింది. 999999 అంటే తొమ్మిది లక్షల తొంభయ్ తొమ్మిది వేల తొమ్మిది వందల తొంభయ్ తొమ్మిది మంది వీక్షకులు నా బ్లాగును చూసిన పిదప 1000000 లక్షల అంకె ఇక ‘రాదు రాదు’ అని ఖచ్చితం అని బ్లాగు ప్రపంచంలో తలపండిన వారు కొందరు తేల్చి చెప్పారు.
పరమపద సోపాన పఠంలో (మేము చిన్నప్పుడు ఈ ఆటని పాముల పఠం అనే వాళ్ళం) చిన్న చిన్న నిచ్చెనలు ఎక్కుతూ, చిన్న చిన్న పాముల నోటపడకుండా తప్పించుకుంటూ పై దాకా వెళ్లి, చివరాఖర్లో పెద్దపాము నోట్లో పడి జర్రున కిందికి జారి, ఆట మొదలు పెట్టిన చోటికే చేరినట్టు, ఇప్పుడు బ్లాగులో కూడా అదే జరుగుతుందని గట్టిగా అనుకున్నాను. కానీ ఆశ్చర్యకరంగా 999999 వరకు వెళ్ళడం, మరో బాక్సు రావడం, ఎంచక్కగా వీక్షకుల సంఖ్య 1000002 అని కనపడడం జరిగింది.






మొత్తం మీద నేను బ్లాగు ప్రపంచంలో చేరిన తర్వాత మొదటిసారి పది లక్షల ఒత్తుల నోము పూర్తి చేసుకున్నాను, వాయినాలు ఇవ్వకుండానే.
(14- 06-2021)

4 కామెంట్‌లు:

విన్నకోట నరసింహా రావు చెప్పారు...

అభినందనలండి 👏.

భండారు శ్రీనివాసరావు చెప్పారు...

@విన్నకోట నరసింహారావుగారు : ధన్యవాదాలు

నీహారిక చెప్పారు...

రోజూ వాయినాలు ఇస్తూనే ఉన్నారుగా... మరిన్ని వాయినాలు, మరిన్ని లక్ష ఒత్తులు నోములు దిగ్విజయంగా చేయాలని కోరుకుంటున్నాను.👏👏👏

భండారు శ్రీనివాసరావు చెప్పారు...

@నీహారిక : ధన్యవాదాలు