శివ రాచర్ల గారితో ఓ పదిహేనేళ్ల క్రితమే పరిచయం అయివుంటే బాగుండేదని మరో పాతికేళ్ళ తర్వాత కూడా అనుకుంటాను. వచ్చే నెలలో ఎనభయ్యవ పడిలో పడతాను కనుక నాకా అదృష్టం ఉండకపోవచ్చు.
పిలిచిన
ప్రతి ఛానల్ కు వెళ్లి ఇంటర్వ్యూలు ఇచ్చే రోజుల్లో, ఒకరోజు ఆయన ఒక స్టుడియోలో పరిచయం అయ్యారు. తర్వాత
కూడా కొన్నిసార్లు కలిశాము. నాదీ స్నేహ స్వభావమే కానీ పేర్లు, మొహాలు చప్పున గుర్తు రావు. అంచేత
మధ్యలో ఎవరో మళ్ళీ పరిచయం చేయడం, నేను
శివగారు నాకెందుకు తెలియదు అన్నట్టు కప్పి పుచ్చుకోవడం వారికి అర్ధం అయ్యే
వుంటుంది. అయితే తర్వాతి రోజుల్లో నా
మతిమరపు తత్వాన్ని ఆయన అర్ధం చేసుకున్నారు అనే అనుకుంటున్నాను. లేకపోతే, నన్నో పొగరుమోతుగా
భావించి, మధ్యమధ్యలో ఫోన్ చేసి మాట్లాడేవారు కాదు.
ఇక ఆయన
సంగతి చెప్పాలంటే ఒక నడిచే ఎన్సైక్లో
పీడియా. చేయి తిరిగిన జర్నలిస్టుల దగ్గర కూడా లేనంత రాజకీయ సమాచారం శివ గారి దగ్గర
వుంది. ఇక ఇరిగేషన్ రంగంలో ఆయన పరిజ్ఞానం అపూర్వం. ఇవ్వాళ ఎవరో పోస్టు పెడితే అదే
కామెంటు పెట్టాను,
శివుడి నెత్తి మీదే గంగ వుంది, ఇక
నదుల గురించి ఆయనకు మనం చెప్పాలా అని.
ఆయన
గురించి అనేకమంది కామన్ మితృలు రాసిన పోస్టులు అమెరికాలో తీరి కూర్చుని చదివాను .
శివగారిలో నాకు తెలియని అద్భుత కోణాలను పరమాద్భుతంగా ఆవిష్కరించారు. వారందరికీ
నా ధన్యవాదాలు.
ఇక
ఆయనకు పుట్టినరోజు శుభాకాంక్షలు అంటారా! ఈ ఒక్కరోజే ఎందుకు? వారికి నా తరపున ప్రతిరోజూ, ప్రతి
ఉదయం వుంటాయి.
మరో
ముక్కతో ఈ పోస్టు ముగిస్తాను.
కిందటి
నెలలో నా అమెరికా ప్రయాణం.
ఓరోజు పొద్దున్నే
శివగారి నుంచి ఫోను. పదిన్నరకు వస్తాను అన్నారు. అన్నట్టే వచ్చారు.
ఇలా నా
అంతట నేనుగా మిత్రులను వెళ్లి కలిసే రోజు
ఎప్పుడు వస్తుంది? రాదని తెలుసు. ఎందుకంటే
నేనో సీతయ్యను.
Many many happy returns of the day Siva Racharla garu
కామెంట్‌లు లేవు:
కామెంట్‌ను పోస్ట్ చేయండి