'భండారు శ్రీనివాసరావు - వార్తా వ్యాఖ్య' (http://bhandarusrinivasarao.blogspot.in/)అనే
పేరుతొ తెలుగులో ఈ నా బ్లాగు మొదలు
పెట్టినప్పుడు నాకు బ్లాగంటే ఏమిటో తెలియదు. తెలుగులో యెలా టైప్ చేయాలో తెలియదు.
నెట్ కనెక్షన్ అంటే ఏమిటో అంతకంటే తెలియదు.
పూణేలో మా రెండో అబ్బాయి సంతోష్ కొత్త కాపురం
చూడ్డానికి వెళ్ళినప్పుడు నాచేత బ్లాగు ఓపెన్ చేయించాడు. యెలా రాయాలో, యెలా పోస్ట్
చేయాలో వాడూ, మా అన్నయ్య కుమారుడు సాయి కలిపి అక్షరాభ్యాసం చేయించి కంప్యూటర్ తెరపై
ఓనమాలు దిద్దించారు. ఆ తరువాత మా పెద్దబ్బాయి సందీప్ ని చూడడానికి అమెరికా
వెళ్ళినప్పుడు కాలక్షేపం కోసం మొదలుపెట్టిన బ్లాగు రాతలు 14 వందల
పైచిలుకు పోస్టింగుల్లోకి వెళ్ళిపోయి అక్షరాలా ఇవ్వాల్టికి మూడు లక్షల హిట్లను
సంపాదించి పెట్టాయి. పబ్లిష్ అయిన కామెంట్లు రెండువేల మూడువందలు దాటాయి బహుశా ఈ జీవితంలో నేను కూడబెట్టుకున్న తొలి,
చివరి సంపాదన ఇదేనేమో! అభిమానించిన అందరికీ కృతజ్ఞతలు. గొప్పకోసం కాదు కాని ఈ విషయాన్ని
పంచుకోవడం అదో తుత్తి. కదా మరి! - భండారు
శ్రీనివాసరావు
NOTE: Artificial image taken from Google
