పుస్తకానికి సత్కారం – భండారు శ్రీనివాసరావు

ఈ వయసులో అసూయ పడడం  ఏమిటి నా మొహం అని నా మొహం మీదే  చాలా సార్లు అనుకోవాల్సివస్తోంది ఈ మధ్య. అదీ, నా కంటే వయసులో చిన్నవాడి మీద.

నాలో ఈ మాత్చర్యానికి కారకుడైన వాడు ఎవరో కాదు, నా స్నేహితుడే. 

ఒక నటికి అభిమానులు వుంటారు, ఒక నటుడికి అభిమానులు వుంటారు. ఒక రచయితకు అభిమానులు వుంటారు. కానీ ఒక పుస్తకానికి అభిమానులు ఏమిటి,  వింతకాకపోతే!

నిన్న ఉదయం ఒక పెద్దాయన ఫోను చేశారు. ఎలాగైనా ఆయన్ని కలవాల్సిందే అని అడిగారు. అదీ వెంటనే. పండగ వస్తోంది అందరూ బిజీ కదా అంటే, అయితే ఈ సాయంత్రం కలుద్దాము అడిగి చూడండి అన్నారు ఆ పెద్దాయన.

అడుగుతున్నది నిజంగానే పెద్దాయన. యూనివర్సిటీ ప్రొఫెసర్. అడగాల్సింది ఇప్పుడు  చెప్పానే, ఆ స్నేహితుడిని. ఆ చనువుతో, కొంచెం సంకోచంతోనే  అడిగితే, ఆ చిన్నాయన   పెద్దమనసుతో ఒప్పుకున్నాడు. 

చివరికి నిన్న సాయంత్రం కలిశాము.…

[1:11 PM, 3/29/2025] Bhandaru Srinivasa Rao: పుస్తకానికి సత్కారం – భండారు శ్రీనివాసరావు 

ఈ వయసులో అసూయ పడడం  ఏమిటి నా మొహం అని నా మొహం మీదే  చాలా సార్లు అనుకోవాల్సివస్తోంది ఈ మధ్య. అదీ, నా కంటే వయసులో చిన్నవాడి మీద.

నాలో ఈ మాత్చర్యానికి కారకుడైన వాడు ఎవరో కాదు, నా స్నేహితుడే. 

ఒక నటికి అభిమానులు వుంటారు, ఒక నటుడికి అభిమానులు వుంటారు. ఒక రచయితకు అభిమానులు వుంటారు. కానీ ఒక పుస్తకానికి అభిమానులు ఏమిటి,  వింతకాకపోతే!

నిన్న ఉదయం ఒక పెద్దాయన ఫోను చేశారు. ఎలాగైనా ఆయన్ని కలవాల్సిందే అని అడిగారు. అదీ వెంటనే. పండగ వస్తోంది అందరూ బిజీ కదా అంటే, అయితే ఈ సాయంత్రం కలుద్దాము అడిగి చూడండి అన్నారు ఆ పెద్దాయన.

అడుగుతున్నది నిజంగానే పెద్దాయన. యూనివర్సిటీ ప్రొఫెసర్. అడగాల్సింది ఇప్పుడు  చెప్పానే, ఆ స్నేహితుడిని. ఆ చనువుతో, కొంచెం సంకోచంతోనే  అడిగితే, ఆ చిన్నాయన   పెద్దమనసుతో ఒప్పుకున్నాడు. 

చివరికి నిన్న సాయంత్రం కలిశాము. ఈ పెద్దాయన ఆ చిన్నాయనకి దుశ్శాలువా కప్పి, ఒక పెద్ద  పుష్ప గుచ్చం అందించారు. అందించి చెప్పారు అయ్యా!  ఈ చిన్న సత్కారం మీరు రాసిన గొప్ప  పుస్తకానికి అని. 

ఆ పెద్దాయన ఈ పుస్తకాన్ని ఆన్ లైన్ లో కొనుక్కుని, ఆమూలాగ్రం చదివి, అమందానందపులకాంకితులై, మరో సారి, ఇంకోసారి చదివేసి ఇక వుండబట్టలేక, ఎలాగైనా దాని రచయితని కలవాలని గట్టిగా డిసైడ్ అయిపోయారు. అంతగా ఆ పుస్తకాన్ని ప్రేమించారన్న మాట. 

నాకిది ఎంతో సంతోషాన్ని కలిగించింది. పుస్తకాలకు మరణం లేదు అని ఆయన ఈ కోరిక నాకు గట్టి నమ్మకాన్ని కలిగించింది.

ఇంతకీ ఆ చిన్నాయన ఎవరంటే ఈమధ్యనే విట్టీ లీక్స్ అనే గ్రంధాన్ని వెలువరించి, మొదటి పుస్తకంతోనే పెద్ద పేరు తెచ్చుకున్న సీనియర్ జర్నలిస్ట్ సాయి శేఖర్. ఆ పెద్దాయన మాజీ ప్రొఫెసర్ ఆకెళ్ళ పేరి శివకుమార్.

నిజానికి వీళ్ళిద్దరూ నాకంటే వయసులో చాలా చిన్నవాళ్లు. కానీ ఆ తర్వాత వారిరువురి నడుమ జరిగిన సాహిత్య గోష్టి చూసిన తర్వాత,  ఓ చిన్నపిల్లాడిలా వారి మాటలు వింటూ వుండిపోయాను. చిన్న ఆకారంలో ఎప్పుడూ నాకేంటికి చిన్నవాడిగా కనిపించే సాయి శేఖర్,  నిన్న అమాంతంగా  వామనుడిలా పెరిగిపోయి తన విశ్వరూప ప్రదర్శన చేశాడు, తెలుగు పద్యాలతో, సంస్కృత శ్లోకాలతో. ఒక్క అక్షరం పొల్లు పోకుండా, ఒక్క స్ఖాలిత్యం రాకుండా.

మచ్చుకు, తానెప్పుడో చిన్ననాడు ప్రభుత్వ జూనియర్ కాలేజీలో నాగమయ్య మాస్టారు  మహా కవి దండి విరచించిన  వామనావతార వర్ణనను సుష్పష్టమైన స్వరంతో ఇలా వినిపించాడు.  

బ్రహ్మాండచ్ఛత్ర దండ: 

శతధ్రుతిభవనాంభోఋహో నాళదండ: 

క్షోణీనౌకూపదండ: 

క్షరదమరసరిత్పట్టికా కేతుదండ: 

జ్యోతిశ్చక్రాక్షదండస్త్రిభువన విజయస్తంభోంఘ్రి దండ: 

శ్రేయస్త్రైవిక్రమస్తే వితరతు విబుధద్వేషిణాం కాలదండ:

ఇన్నినాళ్ళు ఇంత ప్రతిభ ఎచట దాగెనో అని పాడాలి అనిపించింది.

నేను కృష్ణదేవరాయలని కాదు కానీ, కాలికి  గండపెండేరం తొడగాల్సిన స్థాయి సాహితీ పాండిత్య ప్రదర్శన. 

సెహబాష్! సాయి శేఖర్! 

సాయి శేఖర్ ని కలవడానికి నా సంకోచం ఎందుకో చెప్పలేదు. ఆయన ఆ పుస్తకం రాసిన తర్వాత దాన్ని అందుకున్న మొదటి వరుసలో నేనున్నాను. దాన్ని గురించి రాయాలని అనుకుంటూ నా బిగ్ జీరో గొడవలో పడి, కాలయాపన జరుగుతూ వస్తోంది. ఈ లోగా ఈ కలయిక. ఈ సారి ఆలస్యానికి ఆయనే కారణం. ఇలా  విశ్వరూప ప్రదర్శన చేయకపోతే ఇది రాయకుండా ఆ  పుస్తకం గురించే రాసేవాడిని.

భలే సాకు చెప్పే అవకాశం ఇచ్చిన  మిత్రుడు సాయికి కృతజ్ఞతలు.  

కింది ఫోటోలు:

శివకుమార్, సాయి శేఖర్ లతో నేను. పుస్తకానికి సత్కారం 

(28-03-2025)