23, జూన్ 2016, గురువారం

చూసే పుస్తకం


హాయిగా జారబడీ, బోర్లపడి, వెల్లకిలా పడుకుని, ఈజీగా, లేజీగా చదూకునే  పుస్తకం కాదిది. అలా చదవకూడదనే కాబోలు ప్రచురణ కర్తలు పుస్తకం డిజైన్ అలా చేసినట్టున్నారు.



చాలా విలువైన పుస్తకం. అంతేకాదు, బోలెడు ఖరీదయిన పుస్తకం కూడా! (కాకపొతే, ఇంతా అని ధర చెప్పలేదు, కానీ పుస్తకం హంగుల్ని బట్టి చూస్తే కాస్త ఎక్కువే వుండొచ్చు అనిపించేలా వుంది.)
వంద పేజీలు . అవీ మామూలివి కాదు, చక్కటి ఆర్ట్ పేపరుమీద రంగుల్లో ముద్రించిన పుస్తకం. కళాజ్యోతి ప్రింటర్స్ అంటేనే అర్ధం చేసుకోవచ్చు. కాకపోతే ఈ పుస్తకాన్ని చదవచ్చు, చూడొచ్చు కూడా. ఎందుకంటే ఇందులో చదువుకునే పేజీలు  ఎన్ని వున్నాయో, కళ్ళతో చూసే చక్కటి ఫోటోలు కూడా  అన్ని పేజీల్లో కొలువు తీరాయి.
రాసింది వెనిగళ్ళ కోమల. ప్రస్తుతం అమెరికాలో వుంటున్నారు. వివరాలు ఇక్కడే చెప్పేస్తే ఇక ఆవిడ గొప్పతనం తెలియని వారికి తెలిసే అవకాశం వుండదు. పలానా వారి భార్య అనో, పలానా వారి అమ్మ అనో వారి ఖాతాలో వేసేస్తారు. ఆవిడకీ సొంత వ్యక్తిత్వంవుంది. అది ఈ పుస్తకంలో ప్రతి పేజీలో ప్రతిఫలించింది. చిన్ననాటి కబుర్లు, తమ పెళ్ళినాటి ప్రమాణాలు, పిల్లల చదువులు అన్నీ ఓ గృహిణి కోణం నుంచి రాసినట్టు అనిపించినా అందులో గుప్తంగా ఒకనాటి తెలుగునాట తెలియని చరిత్ర దాగుంది.
రచయిత్రి తన గురించి తక్కువగా, ఇతరులని గురించి ఎక్కువగా రాసిన ఈ  జ్ఞాపకాల దొంతర ఇంగ్లీష్ తో పాటు  తెలుగులో కూడా వుంటే యెంత బాగుంటుందో అనిపించింది ఈ పుస్తకం ఆసాంతం చూసి, చదివిన తరువాత.
సుందర స్మృతుల పరిమళ గుచ్చం ఈ పుస్తకం.
దీన్ని రాసిన:

మిత్రుడు నరిశెట్టి ఇన్నయ్య భార్య కోమల గారికి అభినందనలు. అమెరికాలో సుప్రసిద్ధ జర్నలిష్టు రాజు నరిశెట్టి మాతృమూర్తి వెనిగళ్ళ కోమల గారికి శుభాకాంక్షలు    

1 వ్యాఖ్య:

అజ్ఞాత చెప్పారు...

innaih. He used to torture us with his skewed and illogical writings in his blog. Thank god he has stopped blogging.