31, అక్టోబర్ 2013, గురువారం

పీవీ నరసింహారావు గారితో నా అనుభవం


ప్రధానిగా వున్నంతకాలం అందరూ ఆహా! ఓహో!!అన్నారు. పీకలలోతు  సమస్యల్లో కూరుకుపోయివున్న దేశ ఆర్ధిక వ్యవస్థను నూతన సంస్కరణలతో ఒడ్డున పడేసిన మేధావిగా కీర్తించారు. బొటాబొటి మెజారిటీ తో వున్న పాలక పక్షాన్ని అయిదేళ్ళ పాటు పూర్తి కాలంఅధికార పీఠం పై వుంచిన అపర చాణక్యుడని  వేనోళ్ళ పొగిడారు. అధికారం దూరం అయిన తరువాత, ఆయన పదవి నుంచి దిగిపోయిన తరువాత  పొగిడిన  ఆ నోళ్ల తోనే తెగడడం ప్రారంభించారు. ఆయన తరవాత కాంగ్రెస్ అధ్యక్షుడు అయిన వ్యక్తికి ఆయన్ని మించిన గొప్ప లక్షణాలేమీ లేవు. కానీ పదవేసర్వస్వమయిన  కాంగ్రెస్ వారికి  ఆయన భజనేసర్వస్వమయిపోయింది. పీవీని విమర్శించిన పత్తిత్తులకుఆయన చేసిన మేళ్ళుకానరాలేదు. అయిదేళ్ళు తెలుగువాడిలోని వాడినీ వేడినీలోకానికి చాటిచెప్పిన వృద్ధ రాజకీయవేత్త న్యాయస్థానాలలో నిస్సహాయంగా బోనులోనిలబడినప్పుడు,  ఆయన పార్టీ వాళ్ళెవ్వరూ ఆయనను పట్టించుకోక పోగా ఏమీ తెలియనట్టు కళ్ళు’, ‘నోళ్ళు’  మూసుకున్నారు. ప్రధానిగా పీవీని సమర్ధించడం ఈ వ్యాసకర్త వుద్దేశ్యం కాదు. రాజకీయాల్లో కృతజ్ఞత, ‘విధేయత’  అనే పదాలకి  తావు లేకుండాపోయిందన్న విషయాన్ని విశదం చేయడానికే ఈ ఉదాహరణ.


(పీవీతో సోనియాగాంధీ)

పీవీ మరణించడానికి కొన్ని నెలలముందు హైదరాబాదు వచ్చారు. మాజీ ప్రధాని హోదాలో రాజ్ భవన్ గెస్టు హౌస్ లో బస చేసారు. గతంలో ప్రధానిగా ఆయన అక్కడ దిగినప్పుడు కనబడే హడావిడి యెలా వుండేదో  ఒక విలేకరిగా నాకు తెలుసు.  ఆయన చుట్టూనే కాదు చుట్టుపక్కల ఎక్కడ చూసినా  అధికారులు, అనధికారులు, మందీ మార్బలాలు, వందిమాగధులు,  ఆయన కళ్ళల్లో పడితే చాలనుకునే రాజకీయనాయకులు ఆ వైభోగం వర్ణించ తరమా? అన్నట్టు వుండేది.

మాజీ ప్రధానిగా పీవీ రాజ భవన్ లో వున్నప్పుడు నేనూ , ఆకాశవాణిలో నా సీనియర్ కొలీగ్   ఆర్వీవీ కృష్ణారావు గారు  - గవర్నర్ రికార్డింగ్ నిమిత్తం  వెళ్లి -  పని పూర్తిచేసుకున్నతరవాత - రాజ్ భవన్  గెస్ట్ హౌస్ మీదుగా తిరిగి  వెడుతూ అటువైపు తొంగి చూసాము. సెక్యూరిటీ మినహా రాజకీయుల హడావిడి కనిపించక పోవడంతో మేము లోపలకు వెళ్ళాము. అక్కడవున్న భద్రతాదికారిని  పీవీ గారిని చూడడం వీలుపడుతుందాఅని అడిగాము. అతడు తాపీగా  'లోపలకు వెళ్ళండి' అన్నట్టు సైగ చేసాడు. ఆశ్చర్యపోతూ లోపలకు అడుగు పెట్టాము.


పెట్టిన తరవాత మా ఆశ్చర్యం రెట్టింపు అయింది. పీవీ ఒక్కరే కూర్చుని టీవీలో ఫుట్ బాల్  మాచ్  చూస్తూ కనిపించారు. డిస్టర్బ్ చేశామేమో అన్న ఫీలింగుతోనే - మమ్మల్ని పరిచయం చేసుకున్నాము. లుంగీ మీద ఒక ముతక బనీను మాత్రమే వేసుకునివున్న పీవీగారు  నా వైపు చూస్తూ- 'మీ అన్నయ్య పర్వతాలరావు  ఎలావున్నాడయా!' అని అడిగేసరికి నాకు మతి పోయినంత పనయింది. ఎప్పుడో  దశాబ్దాల క్రితం,  పీవీగారు ముఖ్యమంత్రి గా వున్నప్పుడు - మా అన్నయ్య పర్వతాలరావు గారు సమాచారశాఖ అధికారిగా ఆయనకు పీఆర్వో గా కొద్దికాలం పనిచేశారు. అసలు ఆయన ముఖ్యమంత్రిగా ఉన్నదే అతి కొద్దికాలం. అప్పటి విషయాలను గుర్తుపెట్టుకోవాల్సిన  అవసరం ఆయనకు లేదు.  అయినా ఆప్యాయంగా గుర్తు పెట్టుకుని మరీ అడిగారు. అదీ  పీవీగారి గొప్పతనం.  ఆ తరవాత కూడా  ఆయన ఏదో మాట్లాడుతున్నారు  కానీ మాకు కలయో వైష్ణవ మాయయోఅన్నట్టుగావుంది. మేము కలసి కూర్చుంది కొన్నేళ్ళ క్రితం వరకు దేశాన్ని వొంటి చేత్తో పాలించిన వ్యక్తితో అన్న స్పృహ వుండడం వల్ల కొంత ఇబ్బంది పడుతూ కూర్చున్నాము. కాసేపటి తరవాత కొణిజేటి రోశయ్య గారు వచ్చారు. ఆయన్ని చూడగానే  పీవీ గారి మొహంలో ఒక రిలీఫ్ కనిపించింది. రోశయ్య గారు వచ్చిన తరువాత కాసేపు వుండి మేము వచ్చేశాము. ఇది జరిగి  ఏళ్ళు గడిచిపోయాయి కానీ ఈ చక్కని జ్ఞాపకం మాత్రం మా గుండెల్లో ఇంకా తాజాగానే వుంది.  

3 కామెంట్‌లు:

mandhubabu చెప్పారు...

Naaku telugu typing antha gaa raadhu. dayachesi e post ni evarinaa prachurincha galaru.

E pramadhamu lo ok nyamurthy thana kuthurini pogottukunnaru. idi entho baadha kaliginche vishyamu.

AA nyayamurthy ( devudiki) naa vinnapamu.

dayachesi athanu e case ni court lo veyyagalaru.

" Daya chesi mruthi chendina vaariki pariharamu govt tharapuna chellincha kudadhu"

endhukantee.. ivani manamu chesina thappulee.. andharu chaduvukuna vallame... bus lo unnavallau andharu sw engineers..

1. Asalu bus lo okkade driver unnadu ani telisina bus endhuku kadalanichharu. evvaru okkarinaa e question adigaaraa.

2. bus lo 3 seats ki okka sutthe lenappudu endhuku objection cheppaledhu. avi untene meemu bus kadilinsthamani cheppithe.. andhari future baagundedhi kadhaa.

3. madhyalo vere prayanikulani ekisthunte endhuku okkaru kuda matladaledhu. objection cheppaledhu.. ( maaknedhuku lee ane nirlakshyamu). ippudu ade nirlakshyamu pranaalu teesindhi.

4. bus ekkaa.. meeku ac bus volvo door ela teruvaalo telusaa.. eppudinaa e driver ainaa emergency situations lo emi cheyyalo.. chepparaaa.

5. Bus speed gaa pothunnatlu anpinchinappudu evvarinaa objection endhuku cheppaledhu. oka ganta thondaraga veladhamani chustheee antha lokanne vidichi vellaru.

6. pryanikula perulu raase sheet lo name.. address number raayamantaaru .( number ante emergency situation lo contact number raayaru. valla fancy numers raastharu)

6. enni saarlu meetho travels vaalu niralkshyamugaa pravartinchaaru.. evvarinaa adige vallku support gaa unnaraa..

7. shirdi pramadhamu tharuvatha ilane oka varamu hadavudi chesi.. malli marichipoyaaru.. i know.. agan same incident wil happen agaian..

inkaa ila chaala unnayi.

gauravaneeyulina nyamurthy gaaru. govt ichhe 15lakhs meeku kuthuru .. inkaa puttaboye manmado/manumaraalo kante ekkuva kaadhua.. but andhari kosamu poraadandi.

inni thappulaaaa..

andharu.. chinna pillalu.. youth.. manchi bavishyatthu unnvaaallu.. vallaku pariharamu kaadhu nyamau kaavali.


type chesthunte kandalo neellu vasthunnayi.

plzz... poradandi.. inka enallu..

nenu edo congress ki telugudeshamu.. ko telanganaki. samikhyandra ki poradamntelshu.. ee vishyamu meedha nyamau kaavali..

inka ennnallu.

సత్యేంద్ర చెప్పారు...

బాధాకరమైన విషయం ఏమంటే,
తెలంగాణా ప్రాంతానికి చెందిన ప్రధాని, పివి గారు అంటే తెలియని వారు తెలంగాణ లో ఉన్నారు. అదీ ఉద్యోగస్తులు.

Nag చెప్పారు...

Have you posted this before. I don't know some how i had a feeling that i read this long back.