జలుబు వెలగని బలుబు
ముళ్ళపూడి
వెంకటరమణ గారన్న మాట నిజంగా నిజం. జలుబు చేసిన మనిషి శరీరం మాడిపోయిన బల్బు రీతి. స్విచ్చి
పనిచేసినా బల్బ్ వెలగదు. అన్ని అవయవాలు పనిచేస్తుంటాయి. ఒకటి చెప్పింది మరొకదానికి
ఎక్కదు. చదవాలని అనిపించదు. రాయాలని అనిపించదు. ఒకరితో మాట్లాడాలని అనిపించదు.
ఒకరు చెప్పేది వినాలని అనిపించదు. బాడీలోని పార్టులన్నీ టోటల్ గా అప్రకటిత సమ్మె
చేస్తుంటాయి.
ఇంగ్లీష్
వాడు ఎప్పుడో చెప్పాడు. జలుబుకు మందు వేసుకుంటే వారం రోజుల్లో, వేసుకోకపోతే ఏడు రోజుల్లో
తగ్గుతుందని. అంచేత,
జలుబుతో పాటు జ్వరం, వెళ్ళు
నొప్పులు గట్రా లేవు కనుక వాడి మాటే విన్నాను. మందుల జోలికి పోలేదు. మా అన్నయ్య రోజూ
ఫోన్ చేసి నా క్షేమం కనుక్కునే వాడు. ఆ కాసేపు ముక్కుతూ మూల్గుతూ ముక్కుతో
మాట్లాడడం కొంత కంట్రోల్ చేసుకుని నా ఒంట్లో పర్వాలేదు అనే ఫీలింగ్ ఆయనకు కలిగేలా
జాగ్రత్త పడేవాడిని. ఎంత అదృష్టం చెప్పండి. జలుబు చేసిన తమ్ముడి ఆరోగ్యం గురించి
ప్రతిరోజూ వాకబు చేసే అన్నయ్య వుండడం మాటలా!
జనవరి 21, 22, 23. మూడు రోజులు మా రెండో వాడు సంతోష్ ఏడూడి మాసికాలతో
హడావిడిగా గడిచింది. మా కోడలి కోరిక ప్రకారం అన్నీ సలక్షణంగా,
శాస్త్రీయంగా పూర్తి చేశాను. అమెరికా నుంచి వచ్చిన పెద్దవాడు, పెద్ద
కోడలు తిరిగి వెళ్ళారు. అదిగో అప్పుడు సందు చూసుకుని ఒంట్లో దూరింది ఈ జలుబు. అయాం
ఎ బిగ్ జీరోకి పెద్ద బ్రేకు పడింది. నిజానికి ఇదేమంత పెద్ద రోగమేమీ కాదు. ఇంట్లో మూడేళ్ల మనుమరాలు వుంది కాబట్టి, నా గదిని
కరోనా టైం లో మాదిరిగా క్వారంటైన్ గది చేసుకున్నాను.
మొత్తానికి ఆరు రోజుల జలుబు ముసురు నిన్న కొంత తెరిపి
ఇచ్చింది. ముక్కు కాకుండా నోటితో మాట్లాడడం మొదలయింది. మొబైల్ లో ఆన్సర్ చేయాల్సిన
కాల్స్ చాలా వున్నాయి. అలాగే మెసేజెస్. ఒకటి నా కంటికి ఆనింది.
Tuesday,
January 28
Article
received. @ Hyd PH 0n 28-1-25, 11.38 PM
Article No.
….booked on 28 Jan at 11.33.26.
Wednesday,
January 29
Article
received at Sanathnagar IE SO on 29/1/25 08.20.51
Article out
for delivery through P.Sivaiah (Beat No.B27) on 29.1.25 at 09.04.28, INDIAPOST.
ఇవ్విధమ్ముగా ఇండియా పోస్టు వారు నిమిషాలు, సెకన్ల
వారీగా ఆ పార్సెల్ కదలికలను ఎప్పటికప్పుడు నాకు తెలియచేస్తూ వచ్చారన్న మాట. కానీ ఏం
లాభం ? రెక్కలు కట్టుకుని ఎగురుకుంటూ వచ్చిన ఆ పుస్తకం మా ఇంట్లోనే రెండు రోజులు
నా కంట పడకుండా నాతోపాటు పడకేసింది. వెరీ వెరీ
సారీ బుద్దా మురళి గారు. (Murali
Buddha)
ఈరోజు ఉదయం మా మనుమరాలి కేర్ టేకర్ అంకిత నా చేతికి
అందించిన మరో పార్సెల్స్ లో, సంగారెడ్డి నుంచి సీనియర్ జర్నలిస్టు పీవీ రావు గారు (P.V. Rao) పంపిన
పుస్తకం కూడా వుంది. రోగానంతరం కోలుకునే
దశలో పుస్తకపఠనం అవశ్యం కదా!
తోకటపా:
2013 ఆగస్టు
నెలలో ఒక రోజు. అంటే
పుష్కరం కిందటి మాట.
భార్యాభర్తల
నడుమ మాటలు తక్కువ అనే అపకీర్తి సమాజంలో వుంది. ఇందులో నిజమెంతో తెలవదు.
మొన్న
ఖమ్మం ఓ పెళ్ళికి వెళ్ళి వచ్చాం. గాలి మార్పో, నీటి మార్పో తెలియదు. తనకు
ఒకటే రొంప.
ఆ రాత్రి, ఓ రాత్రివేళ చూస్తే తను పక్కనలేదు. లేచి
చూస్తే పూజగదిలో ఓ దుప్పటి కప్పుకుని పడుకుని వుంది.
పొద్దున్నే
నేను ఓ ఛానల్ కు వెళ్ళాలి. పక్కన పడుకుంటే జలుబు అంటుకుంటుందేమో అని ఆలోచించి ఈ
పని చేసి వుంటుంది.
మనసుతో
మాట్లాడ్డం అంటే ఇదేనేమో!
కింది ఫోటోలు :
సుప్రసిద్ధ పాత్రికేయులు బుద్దా మురళి గారు రాసిన రెండు పుస్తకాలు, సీనియర్ జర్నలిస్ట్ పీవీ రావు గారు రాసిన వ్యాస సంపుటి
(31-01-2025)
కామెంట్‌లు లేవు:
కామెంట్‌ను పోస్ట్ చేయండి