బ్రేకింగ్ న్యూస్ – ఇప్పుడే అందిన వార్త –

నమ్మితే నమ్మండి – నమ్మకపోతే పోండి

శాసన సభ గత కొద్ది గంటలు గా నడుస్తోంది. మరోసారి వాయిదా పడడం కోసం ఇంకోసారి వాయిదా పడడం అలవాటుగా మారిన ఆంధ్ర ప్రదేశ్ శాసనసభ నడుస్తోంది. సభ్యులు మాట్లాడుతున్నారు. టీవీలు ప్రత్యక్ష ప్రసారాలు చేస్తున్నాయి.

ఈ విచిత్రం ఎందుకట?

టీ.ఆర్.ఎస్., వై.ఎస్.ఆర్.సీ.పీ.  విడివిడిగా నోటీసులు ఇచ్చిన అవిశ్వాస తీర్మానం వల్ల చర్చ తప్ప మిన్ను విరిగి మీద పడేదేమీ లేదని టీడీపీ జారీ చేసిన విప్ తో తేలిపోయిన తరువాత అవిశ్వాస తీర్మానంపై ఎనిమిది గంటల చర్చకు సభలో తెర లేచింది. ‘ఫలితం ముందుగానే తెలిసిపోయిన వోటింగ్’ కూడా ఈ రోజే జరిగిపోతుంది. అప్పటిదాకా టీవీల్లో షాడో బాక్సింగ్ చూడక తప్పదు.

టెయిల్ పీస్ : వెనుకటి రోజుల్లో జవహర్ లాల్ నెహ్రూ ప్రభుత్వంపై ప్రతిపక్షాలు అవిశ్వాస తీర్మానం లోక్ సభలో ప్రవేశ పెట్టాయి. విపక్ష సభ్యులందరూ  పాలక పక్షం నిర్వాకాలను నిలబెట్టి, నిలదీశారు. బ్రహ్మాండమయిన పద జాలం ప్రయోగించి అధికార పక్షం పనితీరును ఎండగట్టారు. ఆ తరువాత వోటింగ్ జరగడం, తీర్మానం వీగిపోవడం షరా మామూలుగా జరిగిపోయాయి. ఆ తరువాత, నెహ్రూ మంత్రివర్గంలో రక్షణ మంత్రిగా పనిచేసిన కృష్ణ మీనన్ ఒక మాట అన్నారు.

“నో కాన్ఫిడెన్స్ మోషన్ (అవిశ్వాస తీర్మానం) ఈజ్ నతింగ్ బట్ షాడో బాక్సింగ్”   

*shadowboxing - sparring with an imaginary opponent (for exercise or training)  - 15-03-2013