బాబాగా మారిన బావ గారు

ఖమ్మం పొలిమేరల్లో వున్న శ్రీ సాయిబాబా ఆశ్రమంలో సాయిబాబాగా  భక్తుల పూజలు అందుకుంటున్న శ్రీ బాబా, మా బాబాయి చిన్న అల్లుడు. మధురక్కయ్య మొగుడు. విశేషం  ఏమిటంటే ఆయన సన్యాసాశ్రమం స్వీకరించిన తరువాత కూడా మా అక్కయ్య ఆశ్రమంలోనే వుంటూ ఆయనకు సేవలు చేస్తోంది. బహుశా నిన్ననో మొన్ననో ఖమ్మంలోని మా మేనకోడలు విమల ఇంటికి భిక్షకు వచ్చినట్టున్నారు. మేనల్లుడు దుర్గాప్రసాద్ ఆ ఫోటోలు పోస్ట్ చేసాడు.

పూర్వాశ్రమంలో మా బావగారు  శ్రీ యోగానంద కృష్ణమూర్తి  హైదరాబాదులో చాలాకాలం పోలీసు అధికారిగా పనిచేశారు. పాఠకుల్లో కొంత మందికి గుర్తు వుండి వుంటుంది. యాభై అరవై ఏళ్ళ కిందటి ముచ్చట.   రైల్లో ఒకర్ని హత్యచేసి శవాన్ని ముక్కలు గా కత్తిరించి ఆ మూటని రైల్లోంచి విసిరి వేసిన కేసు. షర్టుపై వున్న చాకలి గుర్తు ఆధారంగా మా బావగారు ఆ కేసును పరిశోధించి హంతకుడయిన ఒక డాక్టర్ ని అరెస్టు చేశారు. మంచి దక్షత కలిగిన అధికారిగా పనిచేసి పదవీ విరమణ అనంతరం ఆధ్యాత్మిక మార్గాన్ని ఎంచుకున్నారు.