సారీ చెప్పినా ఒకటే చెప్పకున్నా ఒకటే

సారీ చెప్పినా ఒకటే చెప్పకున్నా ఒకటే – భండారు శ్రీనివాసరావు  

ఏదైనా  అంశం పట్ల నాకున్న అభిప్రాయం నేను చెప్పిన తర్వాత దానిపై జరిగే వాదోపవాదాలతో నేను నిమిత్తం పెట్టుకోను. నా అభిప్రాయం తప్పని సహేతుకంగా ఎవరైనా చెబితే సరిదిద్దుకోవడానికీ, ఆ విషయం బహిరంగంగా అంగీకరించడానికి కూడా నేనెప్పుడు వెనుకాడింది లేదు.

నిన్న సుమన్ టీవీ వాళ్ళు రఘురామ కృష్ణం రాజు గారి ఎపిసోడ్ పై నా వివరణ ఇవ్వమని అడిగారు. ఇక ఆ విషయంలో చెప్పేది ఏమీ లేదని, నేను పొరపాటు మాట మాట్లాడి వుంటే తప్పకుండా వివరణ ఇచ్చేవాడిని కానీ  ఇది ఆ సందర్భం కాదని బదులిచ్చాను.

చివరికి సుమన్ టీవీ వాళ్ళే రాజుగారి నుంచి వివరణ తీసుకుని ఈ గందరగోళానికి శుభం కార్డు వేసినట్టున్నారు. ఈ విషయం SIVARAMAPRASAD KAPPAGANTU గారి  పోస్టు చూసేదాకా నాకు కూడా తెలియదు. వారికి కృతజ్ఞతలు.

(13-04-2021)

Bandaru Srinivasarao Sensational Comments On AP 3 Capitals || Bandaru Sr...

వంటింట్లో 'పంచదార' అని రాసివున్న సీసాలో పంచదారే వుండాలని రూలేమీ లేదు. ఉప్పు అని కూడా ఉండవచ్చు. అలాంటిదే ఈ 'వంట' కూడా! కాకపొతే చక్కెరకు బదులు 'కాలకూట విషం' అని రాసారు. హెడ్డింగు చూసారు కదా! కాకపొతే లోపల పంచదార మాత్రమే వుంది.

Senior Journalist Bhandaru Srinivasa Rao Analysis on YS Sharmila Public ...

Senior Journalist Bhandaru Srinivasa Rao About MP Raghu Rama Krishna Raj...

రఘురామ కృష్ణంరాజు గారు

 

తెలుగునాట బాగా ప్రాచుర్యం పొందిన పేరు. వ్యాపారవేత్త, రాజకీయ నాయకుడు. ఈ వృత్తుల్లో వున్నవాళ్ళు చాలామంది వుంటారు. కానీ రాజు గారి స్థాయిలో ప్రాచుర్యం లభించడం దుర్లభం.

నేను యాక్టివ్  జర్నలిజంలో వున్నప్పుడు వారితో నాకు పరిచయం లేదు. నిజం చెప్పాలి అంటే అప్పుడూ, ఎపుడూ ముఖపరిచయం కూడా లేదు. నాకు దశాబ్దాలుగా పరిచయం వున్న కేవీపీ గారి వియ్యంకులు అని తెలుసు. టీవీల్లో  తరచూ చూస్తుంటాను. ఆయన మాటల్లో సున్నితమైన వ్యంగం దోబూచులాడుతూ వుంటుంది. అంచేత ఏ విషయం చెప్పినా, అది మనకు నచ్చినా  నచ్చకున్నా ఒక చెవి అటు వైపు వేసి వింటూనే ఉండేలా చేసే శక్తి ఆయన మాటల్లో వుంది.

ఈ  ఉదయం ఓ మిత్రుడు ఫోన్ చేసి ఆయన మీ గురించి టీవీ లో రాత్రి నిందాపూర్వక వ్యాఖ్యలు చేశారు అని అంటే ఆశ్చర్యం వేసింది. నేనెవరో వారికి తెలియదు, అయినా అలా మాట్లాడారు అంటే (ఆ మిత్రుడు లింక్ కూడా పంపించారు) కొంత వింతగానే వుంది. అయినా వారిని తప్పుపట్టలేము. ఎవరైనా నేను రాసిన  రాతలకు చెడుగా వ్యాఖ్యలు పెడితే ఎంత సర్దుకు పోదామని అనుకున్నా మనసు మూలల్లో చివుక్కుమంటూనే వుంటుంది. అలానే ఒక వెబ్ ఛానల్ లో ఆయన్ని గురించి నేను మాట్లాడిన సంగతులు విన్నప్పుడు రాజుగారికి కూడా అలానే అనిపించి వుంటుంది. మనసు నొప్పించడానికి పరిచయాలు అక్కరలేదు కదా!

కాకపోతే నేనేదో డబ్బులకోసం అలా మాట్లాడుతున్నాను అనే అర్ధంలో రాజుగారు మాట్లాడడం నాకూ  బాధగానే వుంది. ఈ విషయంలో నాకు నేను వివరణ ఇచ్చుకోవడం బాగుండదు. అందుకని అదేదో ఆ సందేహాన్ని రాజుగారు తమ వియ్యంకుడు కేవీపీ గారెని అడిగి నివృత్తి చేసుకుంటే బాగుంటుంది.  ఎందుకంటే నా గురించి బాగా తెలినిన రాజకీయ ప్రముఖులు  కొద్దిమందిలో వారూ ఒకరు.

ధన్యవాదాలు రాజుగారు.

(12- 04- 2021)

మిత్రుడు పంపిన లింక్ ఇదే!

https://m.facebook.com/story.php?story_fbid=916764009147663&id=100024422183203

సత్యం రామలింగరాజు రాయని డైరీ!

 

ఈరోజు అంటే ఈరోజని కాదు. ఆరేళ్ల క్రితం ఇదే రోజున సాక్షిలో ఒక కధనం వచ్చింది. ఒక పేరా బాగా నచ్చింది.

సాక్షి కధనంలో సత్యం రామలింగ రాజు చెప్పిన కొన్ని భాగాలు:

".....పేరు కోసం పరుగు, పేరు నిలుపుకోవడం కోసం పరుగు. పరువు గురించి పట్టించుకోలేనంత పరుగు. చివరకు ఇక్కడ (చెర్లపల్లి జైలు) వరకు తెచ్చిన పరుగు..."

"...ఈ మనసు, ఈ శరీరం ఇప్పటికే అలవాటు పడ్డాయి, ఒక్క టీవీకి తప్ప. జైలుకు వచ్చీ రాగానే అధికారులను అభ్యర్ధించాను, టీవీ లేని బ్యారక్ లోకి మార్చమని. సాధ్యం కాదన్నారు. టీవీ లేని బ్యారక్స్ జైల్లో లేవట. కానీ దేవుడు దయ తలిచాడు. ఓ బ్యారక్ లో టీవీ పనిచేయడం లేదు. నన్ను అందులోకి మార్చారు. అంతకన్నా అదృష్టం ఉంటుందా!"

"మానస సరోవరంలో దోమలు ఉంటాయా?! ‘‘ఇక్కడవి మామూలే’’ అని, అతి మామూలుగా అన్నాడు జైలు వార్డెన్. వెనకా ముందూ అతడు నాకేం గౌరవాలు తగిలించలేదు. ఖైదీలకు కనీస సంబోధనా పూర్వక మానవ మర్యాదలను ఆశించే హక్కు ఉంటుందా? ఆ మర్యాదలను ఇచ్చే అవసరం వార్డెన్‌కు ఉండాల్సిన అవసరం లేకుండా ఉంటుందా? చట్టంలో ఎలా ఉందో మరి. అయినా గౌరవ మర్యాదలతో ముఖ విలువను, వాటావిలువను పెంచుకోవలసిన కంపెనీలు ఇప్పుడు నా చేతిలో ఏమున్నాయి కనుక. ముందు సీబీఐ ఇచ్చిన ఈ స్పైరల్ బౌండు కేసు పూర్వాపరాల కాపీలో ఏముందో చూడాలి. దీన్ని చదివి, అర్థం చేసుకునేందుకు ఏడేళ్ల కాలం సరిపోతుందా! ఇంటి నుంచి తెచ్చుకున్న పుస్తకాలు.. వాటినెప్పుడు చదవాలి?

"నేనున్నది మానస సరోవర్ బ్లాకు. దోమలు ఉత్సాహంగా గుయ్యిమంటున్నాయి. కొత్త ఖైదీని దొరికాను కదా! మస్కిటో కాయిల్ తెప్పించి వెలిగించుకున్నాను. దోమలకు ముందుగా నేను అలవాటు పడతానా లేక మస్కిటో కాయిల్స్ అలవాటవుతాయా అన్నది త్వరలోనే తేలిపోవచ్చు. ఇది కోర్టులు నిర్ణయించే విషయం కాదు కాబట్టి.

"ఒకరోజు గడిచింది. చంచల్‌గూడా జైలుకు, చర్లపల్లి జైలుకు నాకేం పెద్ద తేడా కనిపించడం లేదు. అక్కడి స్పెషల్ కేటగిరీ, ఇక్కడి సాధారణ ఖైదీగిరీ రెండూ ఒకేలా ఉన్నాయి. జీవితంలోని ఎత్తుల్నీ, పల్లాల్నీ చూసినవాడికి బిర్యానీ అయితే ఏమిటి? మిర్యాల చారు అయితే ఏమిటి? నా డ్రెస్ నేను వేసుకుంటే ఏమిటి? జైలువాళ్లిచ్చే తెల్ల చొక్కా పైజమా అయితే ఏమిటి?

"ఉదయం బ్రేక్ ఫాస్ట్ లోకి కిచిడి. మధ్యాహ్న భోజనంలోకి చపాతీ, అన్నం, పప్పు, రసం, అప్పడం. రాత్రి డిన్నర్‌లోకి మళ్లీ ఇదే వరుస. కానీ ఇక్కడ లంచ్‌టైమ్‌లో లంచ్, డిన్నర్‌టైమ్‌లో డిన్నర్ ఇలా కాదు. పావు తక్కువ తొమ్మిదికి బ్రేక్‌ఫాస్ట్ అయ్యాక.. పదిన్నరకి లంచ్. సాయంత్రం నాలుగింటికి డిన్నర్! సత్యం రోజులు గుర్తొస్తున్నాయి. ఉదయం ఇంత తిని, మధ్యాహ్నం తిన్నాననిపించి, సాయంత్రం తినీతినకుండా, రాత్రి తింటే తిని... ఎంత అక్రమబద్ధంగా గడిచాయి!

"ఈ మనసు, శరీరం అన్నిటికీ అలవాటు పడ్డాయి. టీవీకి తప్ప! జైలుకు వచ్చీరాగానే జైలు అధికారులను అభ్యర్థించాను నన్ను టీవీలేని బ్యారక్‌లోకి మార్చమని. సాధ్యం కాదన్నారు. టీవీ సెట్ లేని బ్యారక్సే జైల్లో లేవట! కానీ దేవుడు దయతలిచాడు. ఓ బ్యారక్‌లో టీవీ పనిచేయడం లేదు. నన్ను అందులోకి మార్చారు. ఇంతకన్నా అదృష్టం ఉంటుందా?" (12-04-2015)

NOTE: ప్రతి మనిషిలో పైకి కనపడని ఓ కవి హృదయం వుంటుంది. స్వయంగా నిర్మించుకున్న అతి పెద్ద వ్యాపార సామ్రాజ్యంలో క్షణం తీరిక లేకుండా గడిపిన రాజుగారిలోని కవిని, రచయితను ఈ వ్యాసంలో చూడవచ్చు. తన మనసులోని మాటను అభివ్యక్తీకరించిన తీరు నన్ను విశేషంగా ఆకట్టుకోవడమే దీన్ని పదిలంగా దాచుకోవడానికి కారణం.

రామలింగరాజు గారికి కృతజ్ఞతలతో

‘బెనిఫిట్ షో

చిన్నప్పుడు స్కూల్లో చదువుకునే రోజుల్లో నలుపు తెలుపు రంగుల్లో అలికినట్టు అక్షరాలు రాసిన పోస్టర్లు కనపడేవి.

‘బీద విద్యార్థి సహాయార్ధం ఆదివారం  ఉదయం తొమ్మిది గంటలకు బెనిఫిట్ షో! ఒకే ఆట! తగ్గింపు రేట్లతో’ అని ఓ పాత సినిమా వేసేవాళ్ళు.

ఆ బీద విద్యార్థి ఎవరో ఎవరికీ తెలియదు. కానీ సగం రేట్లకే సినిమా కాబట్టి చాలామంది వెళ్ళేవాళ్ళు. హాలు నిండక పోయినా బొమ్మ పడేది..

ప్రస్తుతం డెబ్బయ్యవ పడిలో పడిన వాళ్లకు ఇది అనుభవమే!  

(10-04-2021)