అలనాటి ఆంధ్రపత్రిక మళ్ళీ కంటపడింది.

యెంత సంతోషం అనిపించిందో.

పక్కన స్టూడియో వన్ టీవీ ఛానల్లో 'నేనంటే నేను' పాత బ్లాక్ అండ్ వైట్ సినిమావస్తోంది. హీరో కృష్ణ, హీరోగా మారిన నాటి విలన్ కృష్ణంరాజు, చిదిమితే పాలుగారే వయస్సులో చంద్రమోహన్, నవ్వించే విలన్ నాగభూషణం, అందాల తార కాంచన, ఇక వస్తాదు నెల్లూరు కాంతారావు సరేసరి. కధలో భాగంగా చంద్ర మోహన్ చేతిలో ఆంధ్ర పత్రిక కనిపిస్తుంది. కాసేపే అయినా, అది చూడగానే  అలనాటి ఆంధ్ర పత్రిక వైభోగం కనులముందు కదలాడింది. ఆ పత్రిక్కి సంబంధించిన అనేక జ్ఞాపకాలు మదిలో సుడి తిరిగాయి. గొప్ప చరిత్ర కలిగిన ఆ గొప్ప పత్రిక చివరకు చరిత్రలో కలిసిపోయింది.