చిలక ప్రశ్న

శుక్రవారం ఏం జరుగుతుంది?

అందరి నోటా  ఈ మాట వినబడ్డప్పుడు, గతంలో ఒకసారి శ్రీ కృష్ణ కమిషన్ నివేదిక నేపధ్యంలో, డిసెంబరు 31  తరువాత ఏం జరుగుతుంది అని ఢిల్లీలో విలేకరులు అడిగిన ప్రశ్నకు గవర్నర్ నరసింహన్  జవాబిస్తూ, ‘ఏం జరుగుతుంది, జనవరి ఒకటి వస్తుంది’ అని  చెప్పడం గుర్తుకు వచ్చింది.

అలాగే ఇప్పుడు జరిగింది.

ఆంధ్రప్రదేశ్  ప్రత్యేక ప్రతిపత్తి  విషయంలో ఏదో ఒకటి తేలుస్తుందని భ్రమపడ్డ  రాజ్యసభ ఉదయం ఓసారి   వాయిదా పడి తిరిగి  మధ్యాన్నం రెండున్నరకు సమావేశం అయింది. కొత్తగా ఏర్పడ్డ ఒక రాష్ట్రానికి  ఆయువుపట్టు అని అన్ని పార్టీలు ఒప్పుకున్న ప్రైవేటు బిల్లుకు ఒక  ఆప్ సభ్యుడి వ్యవహారం  అడ్డం తగిలి అతి ముఖ్యమైన  ఆంధ్రప్రదేశ్ వ్యవహారం అడుక్కి వెళ్లిపోయింది.  చివరికి సభ సోమవారానికి వాయిదా పడింది.

ఈ  బిల్లుకు మళ్ళీ మోక్షం ఎప్పుడన్న ప్రశ్నకు జవాబుకోసం చిలక ప్రశ్న అడగాల్సిందే.