ప్రెస్ క్లబ్

హైదరాబాద్ ప్రెస్ క్లబ్ నూతన కార్యవర్గం ఏర్పాటయింది. కొత్త కార్యవర్గ సభ్యులకు శుభాభినందనలు.

గతంలో నేను ఒకసారి క్లబ్ కార్యదర్శిగా ఎన్నికయ్యాను. మరోసారి ఓడిపోయాను.

గెలిపించింది నా క్లబ్ కుటుంబసభ్యులే. ఓడించింది ఆ  కుటుంబ సభ్యులే. కాబట్టి ఆ జయాపజయాలను నేను ప్రతిష్టగా తీసుకోలేదు. హాయిగా అప్పుడప్పుడూ క్లబ్  కి వెళ్లి వస్తూనే వున్నాను. అందర్నీ పలకరిస్తున్నాను. వాళ్ళూ నేనంటే అంతే ఆప్యాయంగా, కొండొకచో గౌరవంగా వుంటున్నారు.

కావున నా మనవి, నా సలహా ఏమిటంటే అందరూ కలిసివుండండి. అందర్నీ  కలుపుకు పొండి. పదవుల్లో ఎవరు వున్నా  క్లబ్ అందరిదీ  అనుకుంటే నాలుగు మంచి పనులు చేసి చూపించడానికి గొప్ప అవకాశం లభిస్తుంది.

జర్నలిష్టులకు వృత్తి రీత్యా రాజకీయవాసనలు తప్పనిసరి. వాటిని క్లబ్ బయటే ఒదిలి లోపలకి వస్తే ఏ చిక్కూ ఉండదు.

గొప్ప క్లబ్ లో సభ్యులం అని నలుగురూ చెప్పుకుంటుంటే వినాలని కోరుకుందాం.  ఆ గొప్పతనంలో వున్న మాధురిమను అందరం ఆస్వాదిద్దాం.

గెలిచిన  వారికి అభినందనలు. గెలవని వారికి శుభాకాంక్షలు.