ఈసారి హైదరాబాదు ప్రెస్ క్లబ్ ఎన్నికలు రేపిన దుమారం అంతా ఇంతా కాదు. టీవీ ఛానల్స్ లో చర్చలు మినహాయిస్తే ఈ ఎన్నికలు ఇటీవల జరిగిన సినిమా వాళ్ళ ‘మా’ ఎన్నికలను తలపించాయి. ఫేస్ బుక్ వేదికగా సాగిన ప్రచారం చూస్తే ఇది ఎక్కడికి దారి తీస్తుందో అనే సందేహం కలిగింది. ఇది ఓట్ల లెక్కింపు రోజున తీరింది కూడా. ఆ గందరగోళానికి ఎవరిది తప్పు అని నిర్దారించడం నా ఉద్దేశ్యం కాదు. ఈ స్థాయిలో ప్రచారం జరిగినప్పుడు ఓ స్థాయిలో ఉద్రేకాలు ప్రబలడంలో ఆశ్చర్యం లేదు. కానీ నలుగురికీ సుద్దులు చెప్పాల్సిన ఫోర్త్ ఎస్టేట్ గురించి ఫేస్ బుక్ లో వెలువడుతున్న వ్యాఖ్యలు గమనించినప్పుడు మనసు ఉసూరుమనిపించకమానదు.
గతంలో నేను ఒకసారి
క్లబ్ కార్యదర్శిగా ఎన్నికయ్యాను. మరోసారి ఓడిపోయాను.
గెలిపించింది నా
క్లబ్ కుటుంబసభ్యులే. ఓడించింది ఆ కుటుంబ సభ్యులే.
కాబట్టి ఆ జయాపజయాలను నేను ప్రతిష్టగా తీసుకోలేదు. హాయిగా అప్పుడప్పుడూ క్లబ్ కి వెళ్లి వస్తూనే వున్నాను. అందర్నీ పలకరిస్తున్నాను. వాళ్ళూ నేనంటే అంతే
ఆప్యాయంగా, కొండొకచో గౌరవంగా కూడా వుంటున్నారు.
కావున నా మనవి, నా సలహా ఏమిటంటే
అందరూ కలిసివుండండి. అందర్నీ కలుపుకు పొండి.
పదవుల్లో ఎవరు వున్నా క్లబ్ అందరిదీ అనుకుంటే నాలుగు మంచి పనులు చేసి చూపించడానికి గొప్ప అవకాశం లభిస్తుంది.
జర్నలిష్టులకు
వృత్తి రీత్యా రాజకీయవాసనలు తప్పనిసరి. వాటిని క్లబ్ బయటే ఒదిలి లోపలకి వస్తే ఏ
చిక్కూ ఉండదు.
గొప్ప క్లబ్ లో
సభ్యులం అని నలుగురూ చెప్పుకుంటుంటే వినాలని కోరుకుందాం. ఆ గొప్పతనంలో
వున్న మధురిమను అందరం ఆస్వాదిద్దాం.
హైదరాబాద్ ప్రెస్
క్లబ్ నూతన కార్యవర్గం ఏర్పాటయింది. (అధికారికంగా ఇంకా ప్రకటించినట్టు లేదు) కొత్త కార్యవర్గ సభ్యులకు శుభాభినందనలు.
ఈ ఎన్నికల్లో గెలిచిన వారికి అభినందనలు.
మంచి పనులు
చేయడానికి మంచి అవకాశం వచ్చింది. అవి చేసి మరిన్ని అభినందనలు అందుకోండి.
అలాగే గెలవని
వారికి శుభాకాంక్షలు. ఇవే చివరి ఎన్నికలు కావుకదా! లైట్ గా తీసుకోండి.
(15-03-2022)
కామెంట్‌లు లేవు:
కామెంట్‌ను పోస్ట్ చేయండి