బాబు బలి

నిజానికి ఇది నా కామెంటు కాదు. ఈరోజు ఉదయం ఓ టీవీ ఛానల్ చర్చకు వెళ్ళినప్పుడు, విరామ సమయంలో  బాహుబలి ప్రస్తావన వచ్చింది. ఆ సినిమా కలెక్షన్లు గురించి చెబుతూ, వాళ్ల వూళ్ళో వాళ్లు ఏకంగా ఒక బస్సు మాట్లాడుకుని వెళ్ళి ఆ సినిమా చూసి వచ్చారని ఒకరంటే, ఆ సినిమా చూడని జన్మ వ్యర్ధం అన్న రీతిలో ప్రచారం సాగడం కూడా ఒక కారణమని మరొకరన్నారు.  సినిమా రంగంలో ఒకప్పుడు మేటి నిర్మాత అనిపించుకున్న ఒక పెద్ద మనిషి కల్పించుకుని బాహుబలి సినిమాను చంద్రబాబుతో పోలుస్తూ చేసిన వ్యాఖ్య ఇది. ఆయన ఏమన్నారంటే - 'విడిగా ఎవర్ని కదిలించినా అదో సినిమానా అన్నట్టు పెదవి విరుస్తున్నారని, అదే నలుగురిలో వున్నప్పుడు వాళ్ళే మళ్ళీ గొప్ప సినిమా అని పొగుడుతున్నారని అన్నారు. నిరుడు ఎన్నికల ముందు ఎవర్ని కదిలించినా విడిగా చంద్రబాబును విమర్శించేవారనీ, కలసికట్టుగా మాత్రం గెలిపించారనీ ఓ పోలిక చెప్పారు.

నాకు ముందు అర్ధం కాలేదు. తరువాత అర్ధం అయ్యీ కానట్టు అనిపించింది. బహుశా సినిమా పరిజ్ఞానం ఆట్టే లేకపోవడం ఓ కారణం కావచ్చు.

NOTE: Courtesy Image owner