రివైండ్ -2010 (పన్నెండో భాగం)

విన్నంతలో కన్నంతలో అమెరికా :

శ్రావణమాసం రెండో శుక్రవారంనాడు వరలక్ష్మీ వ్రతం కోసం సియాటిల్ లోని ఈ ఇండియన్  స్టోర్ లో ఒక లారీ లోడ్ కొబ్బరికాయలు అమ్ముడుపోయాయంటే

ఇక్కడివారు సంప్రదాయ వేడుకలను యెంత శ్రద్ధగా జరుపుకుంటున్నారో అర్ధమవుతుంది.

(వరలక్ష్మీ వ్రతానికి పట్టు పరికిణీల్లో సిద్ధమైన మా ముమరాళ్ళు సృష్టి, సఖి) 

 మొత్తం వ్రత కధను, పూజావిదానాన్ని ‘నెట్’ నుంచి డౌన్ లోడ్ చేసుకుని – నిర్దేశించిన పద్దతిలో వ్రతం ఆచరించి ముత్తయిదువలకు దక్షిణ తాంబూలాదులు సమర్పించి సంప్రదాయాలపట్ల తమకున్న మక్కువను వ్యక్తం చేసారు. సియాటిల్ లో మాకు తెలిసిన తెలుగు లోగిళ్ళ వద్ద ఆ నాటి ఉదయం రంగురంగుల రంగవల్లులు కొలువుతీరాయి. 

(2010)